اسلام آباد۔ 19اکتوبر (اے پی پی) صدر مملکت ممنون حسین پارینے کہ پاکستان سعودی تعلقداری تیٹی ہر تدوک آ دے اتون پین ودیکی و کڑمبی ودی مریک۔ ہڑتوم آ ملک سوگوتاریخی ، دینی و دودوربیدہ ہی رشتہ غاتیٹی گنڈوک ءُ و ہڑتوم آ ملک آتا الس نا نیام اٹ خلوص ایلمی نا رشتہ ءِ۔ اوداہیت ءِ پنچ شنبے نادے سعودی عرب نا سفیر کموڈورنواف سعید احمد المالکی تون ہیت وگپ کرسا پارے۔ صدر مملکت پارے کہ بروک آ دے تیٹی ہڑتوم آ برادر ملک آتا نیام اٹ تعلقداری تیٹی پین ودیکی بریک و کمکاری ٹی ودکی مریک۔ صدر مملکت پاک چین اقتصادی راہداری ٹی سعودی عرب نا است خواہی نا ستاءِ کرسا پارے کہ دانا زہمک بھاز مثبت و دیرپا مریرہ۔ صدر مملکت داوخت آ برما ویمن نا بگڑینگوک آ حالیت آتیا گڑتی نا درشانی ءِ کرسا پارے کہ داویل آتا ایسری کن مسلم امہ ءِ اواری اٹ کاریم کننگ نا گرج ءِ۔
