ننا جماعت مدام عدالت آتا شرفءِ کرینے، پبی وڑاٹ مقدمہ غاتون مون ایتنہ، اللہ و الس نا عدالت اٹ سرسہب مرینہ
اسلام آباد۔ 19اکتوبر (اے پی پی) وزیر مملکت توانائی عابد شیر علی پارینے کہ ننا جماعت مدام عدالت آتا شرف ءِ کرینے، پبی وڑاٹ مقدمہ غاتون مون ایتنہ و اللہ و الس نا عدالت اٹ سرسہب مرینہ۔ پنچ شنبے نادے داڑے مریم نواز شریف و کیپٹن (ر) صفدر نا پیشی نا وخت آ احتساب عدالت نا پیشن صحافی تتون ہیت وگپ اٹی اوپارے کہ مسکوہی وزیراعظم نواز شریف نا برخلاف کرپشن یا خاص ءُ معاملہ سے آ پیسہ ہلنگ نا ہچ ءُ دوبہ اس خلنگ تنے۔ اونا باوجود اونا مچ آ خاہوت ءِ احتساب نا پلویڑ اٹی ہلنگانے وخت اس کہ ننے آن مست ہراخلقت حکومت کرے اوفتے ہچ پاننگ تو۔ تاخیری حربہ غاتے کاریم اٹ اتنگ نا بابت اسہ سوج اسے نا ورندی ٹی اوپارے کہ غٹ ءِ سماءِ کہ عدالت آتیٹی مقدمہ غاتا سماعت اٹی خلقت ءِ ایلو ویل آک مون تروک مریرہ۔ عمران خان نا وکیل پنجا پنجاوار عدالت اٹ پیش مفک ولدا ہم اوڑآ تاخیری حربہ ءِ کاریم اٹ اتنگ نا ہچ ءُ دوبہ اس لگپک۔ وزیر مملکت پارے کہ کسس داغلط فہمی ٹی مف کہ نن عدالت آتیٹی تینا فاع ءِ کپنہ۔ نن تینا داکانودی حق ءِ ہلیپنہ وجماعت نا کنڈآن پبی وڑاٹ مقدمہ غاتون مون ایتنہ۔ اودایخین نا درشانی ءِ کرے کہ مسکوہی وزیراعظم ، اونا خاہوت و اونا جماعت اللہ و الس نا عدالت اٹ سرسہب مریک۔
