اسلام آباد۔ 19 اکتوبر (اے پی پی) وزیر مملکت داخلہ طلال چوہدری پارینے کہ مسکوہی وزیراعظم و اونا خاہوت نا بندغ آتا احتساب عدالت اٹ پیشی نا وخت آ سیکورٹی غٹ آن اہم و المی معاملہ مریک ہنداخاطران پیشی آن اسہ دے اس مست بنجائی دارالحکومت نا چیف کمشنر و آئی جی عدالتی کمامدار آتون اواری اٹ دابابت ایس او پیز ءِ طے کرینے ہرادے نوشتہی دروشم اٹ جاری کننگانے ہنداخاطران اونا حیثیت عدالتی پرمان آتیامبار ءِ۔ پنچ شنبے نادے اسلام آباد اٹی احتساب عدالت نا پیشن صحافی تتون ہیت وگپ اٹی وزیر مملکت مستی پارے کہ ہندا ایس او پیز نا رداٹ کمرہ عدالت اٹ سماعت نا وخت آ غٹ آن زیات گنجائشت صحافی تے کن تخنگانے تانکہ او الس ءِ مچ آ حالیت آتیان معلومدار کننگ کیر۔ صحافی تیان پد وکیل و پراسیکیوشن ٹیم و غٹ آن کم گنجائشت سیاسی کارندہ غاتے کن تخنگا۔ اوپارے کہ سیاسی راہشون اسے تون بیرہ منہ کارندہ غاتے ہی عدالت نا کمرہ ٹی ہِننگ نا موکل تننگا۔
