اسلام آباد۔ 19اکتوبر (اے پی پی) وزیر مملکت اطلاعات ، نشریات و قومی میرات مریم اورنگزیب ہندوبرادری ءِ دیوالی نا تہوار آ مبارکبادی ترساپارینے کہ پاکستان اٹی غٹ اقلیت آک آئین نا رداٹ بریبرشاری و پورو حق تخرہ۔ تینا تہنیتی کلہو اٹی وزیر مملکت پارے کہ پاکستان نا جوڑ جاڑ و شونداری ٹی ہندوو ایلو اقلیت آک قابل فخر کڑد ادا کننگ ءُ۔ اوپارے کہ ننے غٹ ءِ یکجا مرسا پاکستان ءِ طاقتور، ناقابل تسخیر و شونہال جوڑ کروئی ءِ۔ اوپارے کہ دیوالی روشنائی تا تہوار پاننگک۔ ننے تینا فکر و عمل اٹ امن نا روشنائی ءِ تالان کروئی ءِ۔
