وزیراعظم شاہد خاقان عباسی نا کوئٹہ ٹی دہشت گردی نا جلہو نا ترندی اٹ مذمت

اسلام آباد۔ 18اکتوبر (اے پی پی) وزیراعظم شاہد خاقان عباسی کوئٹہ ٹی دہشت گردی نا جلہو نا ترندی اٹ مذمت ءِ کرسا فرض ءِ پورو کننگ اٹی شہید مروک آ پولیس کارندہ غاتے خراج عقیدت پیش کرینے۔ چارشنبے نادے وزیراعظم اسہ بیان اسے ٹی پارے کہ داوڑنا لغور انگا جلہو آک دہشت گردی و انتہاء پسندی نا برخلاف ننا قومی عزم ءِ متزلزل کننگ کپسہ۔ اودہشت گردی نا جلہو اٹی نہادی جان تازیان آ ڈکھ و است ہسونی نا درشانی ءِ کرسا دعاکرے کہ اللہ تعالیٰ شہید آتا درجہ غاتے بڑز کے و خاہوت آتے داصدمہ ءِ برداشت کننگ نا حوصلہ عطاء فرمائفے۔ وزیراعظم واقعہ ٹی ٹھپی مروک آتے گچین طبی آسراتی تا فراوانی نا پارت و اوفتا زوت جان جوڑی کن دعاہم کرے۔