اسلام آباد۔16اکتوبر(اے پی پی) دری کارانی سیکرٹری تہمینہ جنجوعہ 17اکتوبرئَ سئے شمبے ئِ روچئَ دو روچی ترءُ تابئَ کنت، وتی دو روچی تر ءُ تابئِ تہا آ پاکستان ءُ سری لنکا ئِ درنیامئَ دونیمگی سیاسی شورءُ صلاھ ئِ پنچمی بھرئِ تہا بھر زوریت ۔ دونیمگی سیاسی شور ءُ صلاھ ئِ چارمی بھر اگست 2014ئَ اسلام آبادئَ بوتگ۔ دری کارانی سیکرٹری سری لنکن صدر میتھری پالاسری سینا، مزن وزیر رانیل وکرماسنگھے ءُ دری کارانی وزیر تلک ماراپانہ ئَ گوں گندءُ نند کنت۔ دو نیمگی سیادی سیادی ءُ دمگی ءُ میاں اوستمانی تکئَ بازیں کارانی سرئَ ھیالءُ لیکہ ئِ درشانیئَ کنت۔ دری کارانی سیکرٹری تہمینہ جنجوعہ ” پاکستان ایلومینائی سوسائٹی آف سری لنکا“ ئِ ھم بُنگیجئَ کنت۔ پاکستان ءُ سری لنکا ئِ درنیامئَ نزیکیں دوستیں سیادی اَست اَنت کہ یکے دومی ئِ سرئَ اوستءُ یکے دومی ئِ پاھدگ ئِ تہا اَنت۔ دری کارانی سیکرٹری ئِ ترئَ تابئَ چہ پاکستان ءُ سری لنکا ئِ درنیامئَ دوستی ءُ کمک ئِ سیادی ئَ را گیش پراھ ءُ شاھگانی رسیت۔
