اسلا م آباد۔16اکتوبر(اے پی پی) گوادر پورٹ اتھارٹی ئِ چیئرمین دوستین خان جمالدینی ئَ گشتگ کہ گوادر ڈیپ سی پورٹ ءُ چین پاکستان اقتصادی راہداری وڈیں میگاپراجیکٹ ئِ سرجمی ئَ چہ نہ تنا پاکستان بلکیں سرجمیں خطہئِ تہا اقتصادی آشوبے کیئت۔ دوشمبےءِ روچئَ یک گلگودارے ئِ تہا آئیئَ گشت کہ اے وھدئَ گوادر ڈیپ سی پورٹ ءُ چین پاکستان اقتصادی راہداری ئِ ردئَ بازیں منصوبہ آنی سرئَ کاری جاری اِنت۔ آئیئَ گشتگ کہ گوادر ئِ دھکہ ئِ سرجمی ئَ چہ پاکستان، چین، وسطی ایشیا، ایران ءُ دگہ دمگی ملک آنی درنیامئَ نزیکی گیش بنت۔ ھمے وڈئَ گوادر ئَ میاں اوستمانی بالی پڑ ئِ جوڈ کنگئِ کار ءُ ڈیپ سی پورٹ ئَ چہ مال چست کنوکیں گرابانی رھادگی ھم زوت بندات بیت۔ آئیئَ گشتگ کہ گوادر ئِ دھکہ ءُ ایران ئِ چاہبہار دھکہ ئِ درنیامئَ ریلوے ئِ کشک ئَ را جوڈ کنگئِ سوجئِ سرئَ چارءُ بچار کنگ بوھگئَ اِنت۔
