اسلام آباد۔16اکتوبر(اے پی پی) اسلام آباد چیمبر آف کامرس ئِ پیسرگیں صدر عاطف اکرام شیخ ئَ گشتگ کہ بیپاری براتی ئَ را مزن وزیر شاہد خاقان عباسی ئِ زانتکاری آنی سرئَ سرجمئَ اوست اِنتءُ آ ملکئِ معیشت ئَ را دیمروئِ کشک ئَ رھادگ کُت کنت۔ مزن وزیر ترندیں گامگیج چست بہ کنت سرجمیں ملک ئِ اُلسءُ بیپاری براتی آئیئِ ھمراھ اَنت۔ بے المّی درآمدات ئِ سرئَ گیش ڈیوٹی جنگ بہ بیت وھدے کہ برآمدات ئَ را گیش کنگئِ ھاترئَ گامگیج کنگ بہ بیت۔ عاطف اکرام شیخ ئَ وتی بیان ئِ تہا گشتگ کہ معاشی جاورھال ئِ روژناھی ئَ کلدارئِ قدرئَ کم نہ کنگئِ پیسلہ ئَ را امیچو ساڑاھگ بہ بیت کم اِنت۔ عاطف اکرام شیخ ئَ بجلی ءُ ٹھیل ئِ نیادانی تہا انوگیں گیشی ئَ را گرانیں پیسلہ لیک اِتگ ءُ گشتگ کہ ملک ئَ را گیش اصلاحات ئِ ضلورت اِنت کہ ایشیئِ تہا توانائی ئِ پڑئِ بحالی ئَ آبید ٹیکس آنی نظام ئِ تہا گہتری، زرعی آمدنی ئِ سرئَ ٹیکس جنگ، سبسڈیز، ٹیکس ئِ گیر المی یل کنگءُ ریفنڈز دارگئِ کلچر ئِ ھلاس کنگ المی اِنت۔ آئیئَ اُمیت درشان کتگ کہ حکومت گڈگورننس ، گیش گہتر گامگیج، اقتصادی اصلاحات ءُ گرانیں احتسابءِ وسیلگئَ اُلس ئِ اوستئَ وتی کنگ بیت کہ ایشی ئَ چہ پد ملکءُ راجئَ را جیڑھ ءُ جنجالاں چہ آزات کنگ ارزان بیت۔
