شونداری ڈٹ و ایلو معاملہ غاتیا خیال آتا درشان
اسلام آباد۔ 16 اکتوبر (اے پی پی) وزیراعظم شاہد خاقان عباسی تون جمعیت علمائے اسلام (ف) انا پارلیمان نا باسک آتیا تالان ڈل دوشنبے نادے وزیراعظم آفس اٹی اوڑدہی کرے۔ وزیراعظم آفس نا کنڈآن جاری بیان نار داٹ اوڑدہی ٹی پارلیمان نا باسک آتا تعلقدار حلقہ غاتا بارواٹ شونداری ڈٹ و ایلو معاملہ غاتیا خیال آتا درشانی مس۔ وزیراعظم پارلیمان نا باسک آتے شونداری و السی شرحالی ڈٹ آتیا عملدرآمد اٹی بنجائی حکومت نا ہروڑکمک نا باوری ترفے۔ وزیراعظم تون اوڑدہی کروک آ ڈل اٹی سینیٹر مولانا عطاء الرحمان، وزیر ہاؤسنگ و تعمیرات اکرم خان درانی ، وزیر پوسٹل سروسز مولانا امیر زمان ، قومی اسمبلی نا باسک میر عثمان خان بادینی، مولانا آغامحمد جمال الدین ، قاری محمد یوسف ، مولانا گوہر شاہ، شاہدہ اختر علی، آسیہ ناصر، نعیمہ کشور، عالیہ کامران، سینیٹر صالح شاہ و سینیٹر طلحہ محمود اوار ئسر۔
