خضدار۔ 15اکتوبر (اے پی پی) خضدار اٹی ٹریفک شکست اٹی ایکسائز انسپکٹر عبدالرزاق جمالدینی تپاخت، اِرا بندغ ٹھپی مسر۔ پولیس نا رداٹ یک شنبے ناسہب خضدار نا خڑک زیدی روڈ آ زیروپوائنٹ نا خڑک متوفی عبدالرزاق جمالدینی تینا ایلو اِرا سنگت آتون اوار کرخ آ ہناکہ کہ ایلو کنڈآن بروک آ بلڈوزر تون ڈوک لگار ہراٹی ایکسائز انسپکٹر عبدالرزق موقع غا ہی تپاخت کرے وخت اس کہ اِرا سنگت عبیداللہ قوم و اصغر علی ٹھپی مس۔ واقع نا احوال ملنگ تون ہی کمبائنڈ کنٹرول روم انا کارندہ غاک موقع غا سرمسر لاش و ٹھپی تے ٹیچنگ ہسپتال آ گدریفیر پولیس بلڈوزر ڈیور محمد ئِ دزگیر کرسا جاست وپاست نا بنائِ کرینو۔
