اسلام آباد۔14ستمبر(اے پی پی) چیئرمین سینیٹ میاں رضاربانی ئَ گشتگ کہ وزیر ایوانئَ ساڑی بوھگئَ نہ اَت، منی سگءُ اوپار ھلاس بوت گڈا کس گلہ مہ کنت۔ پنچ شمبے ئِ روچئَ سینیٹ ئِ دیوان ئَ جُستءُ پُرسئِ وھدئَ چیرمین سینٹ میاں رضا ر بانی ئَ گشتگ کہ مرچی جُستءُ پُرس ئِ وھدئَ تہی کارانی وزارت ئِ ھوالگئَ 31ایجنڈا بوتگ اَنت۔ دوھیں وزیر سرپد بوتگ اَنت، آ بائد اِنت ایوان ئَ ساڑی بوتیناں ، اے تبءُ میل جوان نہ اِنت، وزیرآنی گوما گپ کنگ بہ بیت، ھمے تبءُ میل ئَ چہ مزن گس نیزور بوتگ ءُ اے نیزوریئَ چہ نظام نیزور بوھگئَ اِنت، اے جاورھال چارگ بہ بنت۔
