کوئٹہ۔14ستمبر(اے پی پی) بلوچستان ئِ سروزیر ئِ کوارڈینٹر ءُ پاکستان مسلم لیگ (ن) بلوچستان ئِ ھال کاری ئِ سیکرٹری علاﺅ الدین کاکڑئَ گشتگ کہ پاکستانئِ مزن وزیر شاہد خاقان عباسی ئِ ڈیرہ بگٹی ئِ ترءُ تاب ءُ کچھی کینال ئِ بنگیجی جوانیں گامگیج اِت، کچھی کینال ئَ چہ ضلع ڈیرہ بگٹی ئَ 72ہزار ایکڑ زمین کشتءُ کشاریئِ ھاترئَ کارمرز کنگ بیت وھدے کہ فیز 2ئِ سرجمیئَ چہ نصیر آباد، بولان ءُ جھل مگسی ئِ ضلع آنی تہا 06لکھ 41ہزار ایکڑ زمین کشتءُ کشاری ئِ ھاترئَ کارمز کنگ بیت۔ آئیئَ پنچ شمبےءِ روچئَ ” اے پی پی“ ئِ گوما گپءُ تران کتگءُ گشتگ کہ پاکستان ئِ مزن وزیر شاہد خاقان عباسیئِ سروکی ئَ کھچی کینال پراجیکٹ ئِ بُنگیجی بلوچستان ئِ ھاترئَ ھاسیں بُن اِشت اِت کہ ایشی ئَ چہ صوبہ ئِ ہزاراں مردماں روزگار ئِ موھ دست کپ اَنت ءُ بلوچستان ئِ معیشت مھکم بیت۔ آئیئَ گشتگ کہ کچھی کینال منصوبہ ئِ اولی بھر ئِ سرجمی ئَ چہ سبز آشوب ئِ بنیاتئَ ءُ کشتءُ کشاری وت واجہی ئِ ھاترئَ جوانیں کار اِت۔
