اسلام آباد۔ 13ستمبر(اے پی پی) بے نظیر انکم سپورٹ پروگرام ئِ چیئرپرسن ماروی ئَ گشتگ کہ بے نظیر انکم سپورٹ پروگرام ئِ ردئَ چاریں صوبہ آنی چار چار ضلع آنی تہا پائلٹ سروے کتگءُ نیزگار ءُ ھکداریں زالبولانی معلوم داری جدید تریں ڈیوائس ئِ وسیلگئَ زورگ بوتگ اَنت کہ بے نظیر انکم سپورٹ پروگرامئِ تنج ئِ سرئَ ایر کنگ بنت۔ چارشمبےئِ روچئَ راجی اسمبلی ئَ ماروی میمن ئَ نکتہ اعتراض ئِ سرئَ گپ کتگءُ گشتگ کہ مسلم لیگ(ن) ئِ حکومت ءَ بے نظیر انکم سپورٹ پروگرام ئِ بجٹ ئَ ر ا 70اربئَ چہ گیش کتگ ءُ 120ارب کتگ ، پروگرام ئِ سروے جاری اِنت۔ آئیئَ گشتگ کہ پیسرئَ پارلیمنٹرین ئَ را فارم جاری کنگ بوتگ اے 2010ئَ ھلاس کنگ بوتگ۔ ایشیئَ پد گوستگیں حکومت ئَ 155ملین آبادی ئِ سروے کتگ۔ 75ملین زالبول ھکدار لیکگ بوتگ اَنت۔ اے بنیات ئَ اے رقم بھرءُ بانگ کنگ بوھگئَ اَنت۔ فارم آنی وسیلگئَ سروے نہ بنت ھمے ھاترئَ جدید ٹیکنالوجی ءِ وسیلگئَ آن لائن سروے بیت۔ کے پی کے ، پنجاپ ، سندھ ، بلوچستان ئِ چار چار ضلع آنی سروے بوتگ اَنت۔ اے دراھیں معلوم داری تنج ئِ سرئَ جاری کنگ بنت۔
