اسلام آباد۔12ستمبر(اے پی پی) جماعت اسلامی ئِ باسک راجی اسمبلی ئِ باسک عائشہ سید ئَ گشتگ کہ پاکستان ئِ مزن وزیر ئِ ایران ئِ گوما سیادی ئَ را گیش جوان کنگئِ بیانئَ را وش کن اَنت،پاکستان امریکہ ئِ ڈو مور ئِ لوٹ ئَ نہ من ایت، امریکہ ئَ اوگانستان ئَ امنءُ ایمنی ئِ ھاترئَ ارباں ڈالر ھرچ کتگ بلے 40درسد بھرئِ سرئَ ھم گرءُ داری نہ کتگ۔ سئے شمبے ئِ روچئَ ھال درئِ گوما گپ ءُ تران کنانئَ آئیئَ گشتگ کہ یک نیمگے ئَ ایران ، پاکستان ءُ اوگانستان یک خطہ ئِ تہا مسلم ملک اَنت وھدے کہ مہ درس یکجاھ بں مئے بدواھ ناکام بنت۔ آئیئَ گشتگ کہ مزن وزیر ئِ ایران ئِ گوما سیادی ئَ را گیش کنگئِ بیانئَ را وش اَتک کن اَنت۔ عائشہ سید ئَ گشتگ کہ پاکستان امریکہ ئِ ڈومور ئِ لوٹئَ نہ من ایت ، امریکہ انسانیت ئِ ھلاپ ئَ جنگ کنگئَ اِنت ءُ سرجمیں دنیائَ ناشرکاری کنگئَ اِنت۔ آئی ئَ گشتگ کہ داعش ئِ ھلاپئَ جنگئِ گپءَ کنت گڈا اوگانستان ئَ نیٹو اتحادی اُرد اَست بلے داعش ھم آھودہ اَست۔ آئی ئَ گشتگ کہ داعش امریکہ ئِ جوڈ کتگیں تنظیم اِت کہ وت امریکہ ئِ گوما یک جاھ مسلمان آنی ھلاپئَ پندل سازگئَ اَنت۔
