علم ئَ چہ گستائی ئِ سبب ئَ امت ئِ مسلمہ آزماھش آں چہ گوزگ ئَ اِنت

کراچی ۔ 12 ستمبر (اے پی پی) وزیر ئِ توکی کار احسن اقبال ئَ گوشت کہ مرچی امت ئِ مسلمہ آزماھش آں چہ گوزگ ئَ اِنت ایشی ئِ سبب علم ئَ چہ گستائی انت۔ اے ھیالانی درشانی وزیر ئِ توکی کار ئَ جامعہ السیفیہ کراچی ئَ نودربر آں گوں گشتانک دیان ئَ کت اَنت۔ وزیر ئِ توکی کار ئَ بوہری کمیونڑی ئِ دعوت ئِ پد ئَ جامعہ السیفیہ ئِ تر ئُُ تاب کت۔ اے موہ ئِ سر ئَ آئی ئَ کمیونٹی ئَ گوں گشتانک دیان ئَ گوشت مرچی امت ئِ مسلمہ آزماھش ئُُ چکاس آنی نیام ئَ گوزگ ئَ اِنت۔ ایشی ئِ سبب ئَ علم ئَ چہ گستائی اِنت، مسلمان آ زمانگ ئَ دگنیا ئِ چراگ بوتگ اَنت چیا کہ علم ئِ سگگ مسلمانی زندمان آنی چپ ئُُ چاگرد ئَ بوتگ۔ وزیر ئِ توکی کار ئَ گوشت کہ اسلام مارا پٹ ئُُ پول، سسا ئُُ ساچ ئِ سبک ئَ دنت تانکہ مسلم اُمہ علمی آشوب ئِ ھاترا تیار بوت بہ کن اَنت۔ وزیر ئِ توکی کار ئَ جامعہ ئَ وانگ ئُُ زانگ ئِ در جنگ ئِ ھاترا نودربر ئُُ رھشون آں گوں تران کنان ئَ آئی ئَ چاگرد ئِ تہئَ جوانیں کرد ئِ پیلو کنگ ئِ سر ئَ زور پر دات۔