قائداعظم ئِ محنت ، امنءُ ایمنی ءُ جمہوری جدوجہد ئِ نتیجگئَ برصغیر ئِ مسلمان آنی ھاترئَ یک آزاتیں ملکے جوڈ بوتگ قائداعظم محمد علی جناح ئِ 69می بیرانی ئِ روچئِ درگت ئَ مزن وزیر شاہد خاقان عباسی ئِ کلوھ

اسلام آباد۔11ستمبر(اے پی پی) مزن وزیر شاہد خاقان عباسی ئَ گشتگ کہ سرجمیں راج مرچی قائداعظم محمد علی جناح ئِ 69می بیرانیئِ روچ شرپءُ احترام ئِ گوما گوازینگ بوھگئَ اِنت۔ قائداعظم محمد علی جناح ئِ بے مٹیں شخصیت، کواسی ، دور چاری ءُ رھشونیں زانتکاریءَ سرجمیں دنیا ءُ جنوبی ایشیائِ اُلس ھاس من اَنت ۔ یک سیاسی رھشونے ئِ ارزشتئَ قائداعظم ئِ محنت ، امنءُ ایمنی ، آئینی ءُ جمہوری اُصولانی بُرزادی ءُ کانود ئِ واجہی ئِ ھاترئَ وتی لیکہئِ سرئَ عمل کتگ۔ آئیئَ گشتگ کہ اللہ تعالیٰ ئِ فضل ءُ کرم ئَ چہ پاکستان سماجی اقتصادی ءُ سیاسی بستارئَ دیمروئی کنگئَ اِنت ءُ مارا ماتیں وطن ئَ را آ بُرزادی ئَ سر کنگئِ ھاترئَ جدوجہد کنگ لوٹ ایت کہ آھودہ اُلس قائداعظم ئِ وابانی ردئَ آزاتیں ءُ عزت مندیں زندے گوازینت بہ کن اَت۔ مزن وزیر ئَ گشتگ کہ بیا ِاِت مہ اے جزم ئِ درشانی ءَ کن اَنت کہ مہ وتی دراھیں زانتکاری ءُ زوراکیاں وتی ملکءُ چاگردئِ گہتری ئِ ھاترئَ جن اَنت۔ مئے اُلس روژناھ ھیال ءُ یکجاھ اَنت۔ بابائے قومئَ را دادءُ سلام پیش کنگئِ درساں چہ مستریں وڑءُ پیم اِیش اِنت کہ مہ قائداعظم ئِ اتحاد، اوست مھکمی ءُ نظم ءُ ضبط ئِ رھبندانی سرئَ عمل کنگئِ جزم ئَ بہ کن اَنت ءُ اے گپئِ جزم ئَ بہ کن اَنت کہ مہ پاکستان ئَ را دیمروئی ءُ وشھالیں ملکے جوڈ کنگئِ ھاترئَ قائداعظم ئِ میراث ئِ سرئَ آئیئِ راستیں اوراح ئِ وڈئَ عمل بہ کن اَنت