صدر مملکت ممنون حسین ئِ سائنس و ٹیکنالوجی ئُُ ساچستی نمونگ ئِ سسا ئِ سر ئَ اسلامی سروکی کانفرنس ئَ پالیسی بیان

آستانہ ۔ 10 ستمبر (اے پی پی) صدر مملکت ممنون حسین ئَ اسلامی دنیا ئِ پٹ ئُُ پول کار ئُُ نودر بر آنی ھاترا جوانیں پیکج ئِ درشان کتگ ایشی ئِ چیر دستی ئَ ورنا ئیں نودربر ئُُ سائنس دان ئُُ پاکستان ئَ وانگ ئُُ زانگ ئُُ ھیل کاری ئِ تک ئَ ٹوھیں موہ پُجارینگ بیت۔ صدر ئِ مملک ئَ جار جت کہ آستانہ ئَ سائنس ئُُ ٹیکنالوجی ئِ بُنگپ ئِ سر ئَ اولی اسلامی سروکی کانفرنس ئَ وتی دومی گشتانک ئَ تران کت۔ صدر ئِ مملکت ئَ گوشت اے کانفرنس ئِ وسیلگ ئَ بنی آدم آنی گہتری، ھاسیں رنگ ئَ مسلمان آنی چاگردی دیمروئی ئُُ وشھالی ئِ ھاترا وت مہ وتی شور ئُُ سلاھ ئُُ یک ئِ دومیگ ئِ تجروبت ئَ چہ نپ چسست کنگ ئِ امکان آنی چار ئُُ تپاس زورگ ئِ جوانیں موہ پچ بنت۔ اے گپ آئی ئَ سائنس ئُُ ٹیکنالوجی ئُُ ساچستی نمونگ ئَ سسا ئِ سر ئَ اسلامی سروکی کانفرنس ئَ گشتانک دیگ ئِ ساھت ءَ کت اَنت۔ اے موہ ئَ السمای ملک آنی سروک ئُُ شاہ سسا ھم ساڑی اتنت۔ آئی ئَ گوشت کہ بنی آدم آنی راج دپتریی ھمک زمانگ ئَ علم ئُُ زانش ئِ ارزسشت ئَ را منگ بوتگ بلے مرچگیں زمانگ ئِ رد ئَ اے کمو دگہ رنگ اِنت نوں نوکیں علم ، ھاسیں رنگ ئَ سائنس ئُُ ٹیکنالوجی معشیت ئِ بنیاتی ارزسشت ئِ رد ئَ دیمروئی ئُُ وشھالی ئِ سیلگ جوڑ بوتگ چیا کہ نوں زندمان ئِ ھمک شوبگ ئَ ایشی ئِ لوٹوں ئُُ واستیگ اِنت۔ اے رد ئَ حکومت پاکستان ئِ چاگرد ئَ نوکن زمانگ ئِ رد ئَ (ویژن 2030) تیار اِنت ایشی ئِ سرجمی ئِ ھاترا وانگ ئُُ زانگ ئُُ پٹ ئُُ پول ئَ ھوارتوامیں شوبگ آنی مالی ضلورت آناں سرجم کنگ بوتگ اَنت۔ اے دیمروئی سسا آناں نوکیں ٹیکنالوجی ئِ چپ ئُُ چاگرد ئِ گولیں لیکر ئُُ ایشی ئِ برود آں چہ پیداک بوتگیں اخلاقی، کانودی ئُُ نمب ئُُ ناسی جیڈھ آنی سر ئَ دلگوشی دیگ بوتگ۔ تانکہ برود آناں رکھینگ بہ بیت۔ صدر ئِ مملکت ئَ گوشت کہ کامسٹیک ئِ دیمروئی ئِ رپک بزاں ایس ٹی آئی2026ئِ رد ایشی ئِ کڈئی اِنت ایشی ئِ چیر دستی ئَ جوانیں دیمروئی ئِ واب سرجم بوھگ ئِ ھاترا بنی آدم آنی دیمروئی ئُُ ایشی ئِ ھاترا درکاریں صنعتیی انفراسٹرکچر ئِ جوڑیشت ئِ واستہ ٹوھیں پالیسی فریم ورک جوڑ کنگ بوتگ۔ اے منصوبگ ئِ رد ئَ گریبی ئِ ھلاسی، آپی بُنزیا آنی کمیگ ئَؒ گوں گر ئُُ چیل بوھت، فوڈ سیکیورٹی ئِ کار، زندمانی جیڈھ، نادُراھی ئِ ھوپ ئُُ نمب ئُُ ناس ئِ مٹ بوھگ ئِ چپ ئُُ چوٹیں جیڈھ آنی گیواری ئِ جھد کنگ بیت۔ صدر ئِ مملکت ئَ گوشت کہ پاکستان لوٹ ایت کہ ویژن 2030ئِ برورد آنی تہئَ اسلامی برات آناں ھم شریک کنگ بیت۔ اے مول ئُُ مراد ئِ ھاترا پاکستان براتیں اسلامی ملک آنی نودربر آنی ھاترا ٹوھیں وانگ ئُُ زانگ ئُُ سائنس دان آنی ازمکاری ئِ تہ ئَ گیشی ئِ ھاترا یک سیت مندیں پروگرام ئِ تیار کتگ ایشی ئِ چیر دستی ئَ انٹرمیڈیٹ ئَ بگر تاں پی ایچ ڈی ئِ تک ئَ اسلامی ملک آنی سد (100) نودربر آناں انجینئرنگ، طب ئُُ کشت ئُُ کشاری وانگ ئُُ زانگ ئِ ھاترا وظیفہ دیگ بیت، اسلامی ملک آنی کشت ئُُ کشاری وانگ ئُُ زانگ ئِ ھاترا وظیفہ دیگ بیت، اسلامی ملک آنی کشت ئُُ کشاری، طبی ئُُ صنعتی سائنس دان آناں میاں اوستمانی ھاٹیگ ایجنسی (IAEA) ئِ رپک آنی رنگ ئَ ھیل کاری دیگ بیت ئُُ لیبارٹری ٹیکنیشنز، طبی کارندہ ئُُ صنعتی مزور آناں ھم آوانی ھب ئُُ واھگی شوبگ آنی تہ ئَ ھیل کاری پُجارینگ بیت۔ ایشی ئَ ابید اسلامی دُگنیا ئِ ہزاراں پٹ ئُُ پول کار آناں آیوکیں دھ سال آنی ساھت ئَ پٹ ئُُ پول ئِ گہتریں موہ پُجارینگ ئِ ھاترا بازیں ملک آنی تر ئُُ تاب ئِ آسراتی دیگ بیت۔ صدر ئِ مملکت ئَ گوشت کہ اسپیس ئِ پُٹ ئُُ پولکار، فلکیات،آپی زندمان، گلیشیالوجی ئُُ آپی رپک آنی شوبگ ئَ یک ئَ چہ گیش راجی یکجائی منصوبگ تیار کنگ لوٹیت۔