قزاخستان ءِ سروزیر سگین نائف باقی جان عبدیرووچ ءَ آستانہ ءَ صدر ممنون ءَ گوں گندءُ نندکتگ، دری کارانی کارگس

سائنس ءُ ٹیکنالوجی ءِ ھوالگءَ او آئی سی ءِ اولی سروکی دیوان مسلم دنیا ءَ سائنس ءُ ٹیکنالوجی ءِ گیش کنگءَ ھاسیں بُن اِشت بیت، صدر ممون حسین
اسلام آباد۔10ستمبر(اے پی پی) قزاخستانءِ سروزیر سگین نائف باقی جان عبدیرووچ ءَ آستانہ ءَ صدر ممنون حسین ءِ گوما گندءُ نند کتگ۔ دری کارانی کارگسءِ نیمگءَ چہ یک شمبے ءِ روچءَ جاری بیانءِ ردءَ صدر ممون حسین آستانہ ءَ سائنس ءُ ٹیکنالوجی ءِ سرءَ اسلامی کمک ءِ تنظیم (او آئی سی ) اولی سروکی دیوانءَ ھوار بوھگءِ ھاترءَ پاکستانی ڈلءِ سروکیءَ کنگءَ اِنت۔ صدر ءَ ایکسپو2017ءِ سوبمند مہمان جہلی کنگءِ سرءَ قزاخستانءِ مزن وزیر ءَ را مراد بات داتگءُ اُمیت کتگ کہ اے سائنس ءُ ٹیکنالوجی ءِ ھوالگءَ او آئی سی ءِ اولی سروکی دیوان مسلم دنیاءَ سائنس ءُ ٹیکنالوجی ءِ گیشی کنگءِ نیمگءَ ھاسیں بُن اِشتے بیت۔ صدر ءَ شنگھائی کمک ءِ تنظیمءِ سرجمیں باسکی ءِ پاکستانءِ ھمراھ داری کنگءَ قزاخستانءِ حکومت ءِ شگرءُ منت گپتگ۔ دوھیں رھشوناں دونیمگی ھیالءُ لیکہ ءِ وھدءَ استیں تک ءِ دونیمگی سیادی ءَ را سٹرٹیجک شریداری ءِ تہا مٹ کنگءِ ھاترءَ بیپاری ، زرکاری ، توانائی ءُ دونیمگی نزیکیءَ را گیش کنگءِ ضلورتءِ سرءَ زورپِرداتگ۔ دوھیں رھشوناں کشتءُ کشاری، سائنسی تحقیق ، بینکاری، انفارمیشن ٹیکنالوجی ، انجینئرنگ ءُ ازمت ءِ پڑاں استیں سیادی ءِ سرءَ پاھدگ چست کنگءِ سرءَ تپاک کتگ۔ قزاخستان ءِ سروزیر ءَ کامسٹیک ءِ سروکی ءِ ارزشتءَ صدر ممون حسینءِ کردءَ را ساڑاتگ۔ دوھیں رھشوناں مسلم امہ ءِ سوبمندیءِ ھاترءَ یک وڈیں کوشستانی سرءَ تپاک کتگ۔ دوھیں رھشوناں دوھیں ملک آنی درنیامءَ دونیمگی سیادی ءُ دونیمگی کمک ءَ را گیش کنگءِ ضلورتءِ سرءَ زور پِرداتگ۔