چین ئَ ون بیلٹ ون روڈ بارے فورم ئُُ ایشیئن میڈیا ورکشاپ بندات بوت

بیجنگ ۔ 10 ستمبر (اے پی پی) ون بیلٹ ون روڈ بارے فورم ئُُ ایشیئن میڈیا ورکشاپ چین ئَ بندات بوت۔ ایشیئن میڈیا ورکشاپ ئَ 25ملک آں گوں سیادی داروکیں اھوالکار، میڈیا ئَ گوں بندوکیں بازیں ادارگ، اھوال تاک ئُُ ٹی وی نیوز چینلز بھر زوری کنگ ئَ انت۔ وش اتکی مراگش ئَ گوں گشتانک دیان ئَ کمیونسٹ پارٹی چائنا ئِ میاں اوستمانی شوبگ برائے درئی کار آنی تہ ئَ ”رابطہ کاری بیورو“ ئِ ڈائریکٹر جنرل ئَ گوشت کہ یک پٹی یکا دگ ئِ دیمروئی گامگیج کہ چینی صدر شی جنگ پنگ ئَ یورپی ئُُ ایشیائی ملک آناں وت مہ وت ئَ ملارینگ ئَ پیش کنگ بوتگ ئُُ ھمے گامگیج ئِ بدولت ئَ چین ئِ میاں استمانی کار آنی تہ ئَ گیش کمک کت کنت۔ ڈائریکٹر جنرل ئَ گوشت کہ بیلٹ اینڈ روگامگیج سرڈگاری کوکا ”جاتی“ منصوبگ 6راہداری ئُُ میری ٹائم سلک روڈ ئِ گوما جوڑ کنگ بیت ئُُ اُمیت انت کہ اے منصوبگ ئَ ”’جاتی“ ئِ کوکا ئِ کمیگ پیلو کنگ بیت ئُُ ایشیا ئَ بحرالکاہل، نیامی ئُُ رودراتکی یورپ ئَ دیمروئی ئِ کار ترند کنگ بیت۔ اے موہ ئِ سر ئَ میاں اوستمانی اقتصادی دلگوشی، مالیاتی ٹیکنالوجی ئِ جوڑ کنگ ئُُ چینی دود ئُُ ربیدگ ئُُ کراس کلچرل کمیونیکیشن ئِ بابت ئَ سیمنیار برجم دیگ بیت وھدیکہ 12ستمبر ئَ ھم یک سیمینار ئِ بنگیج کنگ بیت۔ ایشی ئَ ابید بھر زوروک 19نوزدھمی سی پی سی نیشنل کانگریس ئِ موہ ئَ کیمونسٹ پارٹی آف چائنا ئِ میاں اوستمانی شوبگ ئِ تر ئُُ تاب ئَ ھم کنت۔ میڈیا ورکشاپ ئِ بھھر زورک لان زھوم ئُُ بال ین نامیگ ایں چینی شہرآنی ھم تر ئُُ تاب ئَ ھم کن اَنت آھودا آ شہری حکومت ئِ سروک آنی نیمگ ئَ ایشاناں وش اتک ھم کنگ بیت۔ ایشی ئَ ابید تینگہو ایونیورسٹی سائنس پارک ئِ تر ئُُ تاب ئَ ابید گریٹ پارک ئَ ٹوھیں سروک آں گوں گند ئُُ نند ئِ ھم ٹھینگ بوتگ۔