اسلام آباد ۔ 10 ستمبر (اے پی پی) قزاخستان ئِ مزن وزیر سگین نائف باقی جان عبدیرووچ ئَ آستانہ ئَ صدرمملکت ممنون حسین ئِ گوما گند ئُُ نند کرتگ۔ڈنی کارگِس ئِ نیمگا چہ یک شمبے ئَ جاڑی بیان ئِ ردا صدرمملکت ممنون حسین آستانہ ئَ سائنس ئُُ ٹیکنالوجی سرا اسلامی تعاون تنظیم (او آئی سی) ئِ اولی سروکی کانفرنس ئَ شریداری ھاترا پاکستانی ڈلے سروکی کنگ انت۔ صدرمملکت ئَ ایکسپو2017 ئِ سوبمندیں مھمانداری کنگ پہ قزاخستان ئِ مزن وزیر ئَ را مرادبات داتگ ئُُ گوشت کہ سائنس ئُُ ٹیکنالوجی ئِ ھوالہ ئَ گوںاو آئی سی ئِ اولی راھشون دیوان مسلم دگنیا ئَ سائنس ئُُ ٹیکنالوجی ئِ پراھی ئِ نیمگا ھاصیں سنگ میل پدر بیت۔ صدرمملکت ئَ شنگھائی تعاون تنظیم ئِ سرجم باسکی ئِ گرگ ئَ پہ پاکستان ئِ پلہ مرزی کنگ ئَ ھاترا قزاخستان ئِ حکومت ئِ منت گپتگ انت۔دوئیں راھشوناں وت ما وتی ھیال ریچی ئِ ساعت ئَ استیں دونیمگی سیادی ئَ را کثیر الجہتی سٹرٹیجک شریداری ئِ تہ ئَ مٹ کنگ ھاترا بیوپار، زرکاری، ھاٹیگ ئُُ وت ما وتی رھوت ئِ پراھ کنگ ئِ سرا زور داتگ۔ دوئیں راھشون ئَ کشت ئُُ کشار، سائنسی پٹ ئُُ پولکاری، بینکاری، انفارمیشن ٹیکنالوجی ، انجینئرنگ ئُُ ھزمت ئِ شوبگ ئَ استیں سیادی ئَ چہ پائدگ زورگ ئِ سرا تپاک کرتگ۔
