مزن وزیر شاہد خاقان عباسی ئِ پاک فضائیہ ئِ آپریشنل ایئر بیس ئِ تر ئُُ تاب

پاک فضائیہ ئِ سروک ائیر چیف مارشل سہیل امان ئَ مزن وزیر ئَ را وش اتک کت، مزن وزیر ئَ ایف 16جنگی گراب آنی ھیل کاری بالی مشن ئَ بھر زوری ئَ ھم کت مزن وزیر ئَ مادر ئِ وطن ئِ دیمپانی ئِ ھاترا ورنا آنی جوزگ ئَ را ساڑات ئُُ آپریشنل تیاری آنی سر ئَ دل یکیمیئِ درشان کت
اسلام آباد ۔ 9 ستمبر (اے پی پی) مزن وزیر شاہد خاقان عباسی ئَ شمبے ئَ پاک فضائیہ ئِ آپریشنل ائیر بیس ئِ تر ئُُ تاب کت۔ پاک فضائیہ ئِ سروک ائیر چیف مارشل سہیل امان ئَ مزن وزیر ئَ را وش اتک کت۔ مزن وزیر ئَ نوکیں جوڑ بوتگیں ائیر پاور سینٹر آف ایلسیلینس (اے سی ای) ئِ تر ئُُ تاب کت۔ مزن وزیر شاہد خاقان عباسی ئَ ایف۔ 16جنگی گراب ئِ ھیل کاری بالی مشن ئَ ھم بھر زُرت وھدیکہ ائیر چیف مارشل سہیل امان ئَ ھم دومی ایف۔ 16جنگی بالی ئِ وسیلگ ئَ بالی مشن ئَ ھم بھر زُرت۔ پاکستان ئِ راجدپتر ئَ مزن وزیر ئِ جنگی گراب ئِ مشن ئَ اے اولی موہ بوتگ کہ مزن وزیر وت ایشی ئِ تہ ئَ ساڑی بوتگ۔ مشن ئَ چہ واتری ئَ مزن وزیر ئَ بالی ئُُ سرڈگاری کارندہ آں گوں ھیال ریچی کنان ئَ ماتیں وطن ئِ دیمپانی ئِ ھاترا ورنا آنی جوزگ ئَ را ساڑات ئُُ آپریشنل تیاری آنی سر ئَ دل یکیمی ئِ درشان کت۔ ایشی ئَ پیسر مزن وزیر ئَ پاک فضائیہ ئِ آپریشنل تیاری آنی گوما ایندگہ اِزمت آنی سر ئَ بریفنگ ھم دات۔ مزن وزیر ئَ را سرپد کنگ بوت کہ اے سی ای یک دروری ادارگ اِت ایش نوکیں زمانگ ئِ ٹیکنالوجی ئُُ آسراتی ئُُ انفراسٹرکچر ئِ سر ئَ اِنت۔ پی اے ایف ورنا آناں ھیل کاری دیگ ئَ ابیدد اے ادارگ ئَ دوستیں ملک آنی ائیر فورسز آنی جنگی کارندہ آناں ھیل کاری دیگ بیت۔مزن وزری ئَ را گوشگ بوت کہ پاکستان ئِ اولی باز ملکی بالی جنگی گراب آنی ایکسرسائز گوزوکیں سال اکتوبر ئَ بنت، اے ایکسرسائز آنی تہ ئَ 19ملک آنی بالی اُرد بھر زور اَنت۔ مزن وزیر ئَ ابرمی آپت آں گوں گر ئُُ چیل بوھگ ئِ چست ئُُ ایر ئُُ وانگ ئُُ زانگ ئُُ جان سلامتی ئِ شوبگ ئَ پاک بالی ئِ ازمت آنی بابت ئَ سرپد کنگ بوت۔ پی اے ایف ئَ ورنا آنی ھاترا روزگار ئِ موہ آنی در جنگ ئِ ھاترا سرجمیں ملک ئَ بازیں کزبی ادارگ جوڑ کتگ۔ ایشی ئَ ابید جوانیں وانگ ئُُ زانگ ئِ پُجاری ئِ ھاترا ایئر یونیورسٹی ئُُ بالی گرابی میڈیکل کالج جوڑ کتگ۔ مزن وزیر ئَ ایوی ایشن سٹی پراجیکٹ ئَ ٹوھیں واھگ ئِ درشان کتگ ایش کامرہ ئَ جوڑ کنگ بوتگ۔ مزن وزیر ئَ ملک بالی سیم سر ئِ دیمپانی ئَ پاکستان ائیر فورس ئِ ارزشتی ایں کرد ئَ را ساڑاھان ئَ ناشرکاری ئِ ھوپ ئِ ھلاپ ئَ جنگ ئَ ایشی ئِ کرد ئَ را ساڑات۔