مزن وزیر شاہد خاقان عباسی ءِ پاک فضائیہ ءِ آپریشنل ایئربیس سرگودھا ءِ ترءُ تاب

پاک فضائیہ ءِ سروک ایئرچیف مارشل سہیل امان ءَ مزن وزیر ءَ را وش اَتک کتگ، مز ن وزیر ءَ ایف 16گراب ءِ تربیتی بالی مشن ءِ تہا بھر ھم زُرتگ
مزن وزیر ءَ ماتیں وطن ءِ دیمپانی ءِ ھاترءَ ورناھ آنی جوشءُ جزبگءَ را ساڑاتگءُ آپریشنل تیاری آنی سرءَ سدّکیءِ درشانی کتگ
اسلام آباد۔09ستمبر(اے پی پی ) مزن وزیر شاہد خاقان عباسی ءَ شمبے ءِ روچءَ پاک فضائیہ ءِ آپریشنل ایئربیس سرگودھا ءِ ترءُ تاب کتگ۔ پاک فضائیہ ءِ سروک ایئرچیف مارشل سہیل امان ءَ مزن وزیر ءَ را وش اَتک کتگ۔ مزن وزیر ءَ نوک جوڈ کتگیں ایئرپاور سینٹر آف ایلسیلینس ( اے سی ای) ءَ ھم ترءُ تاب کتگ۔ مزن وزیر شاہد خاقان عباسی ءَ ایف 16گراب ءِ تربیتی بالی مشن ءِ تہا ھم بھر زُرتگ وھدے کہ ایئرچیف مارشل سہیل امان ءَ ھم دومی ایف ۔16گراب ءِ وسیلگءَ بالی مشن ءِ تہا بھر زُرتگ۔ پاکستان ءِ راج دپتر ءِ تہا کجام ھم مزن وزیر ءِ بالی مشن ءِ تہا بھرزورگءِ اولی موھ اِنت۔ مشن ءَ چہ واتری ءَ پد مزن وزیر ءَ بُرزیءُ زامینی عملہءِ گوما ھیالءُ لیکہ ءِ درشانی کتگءُ ماتیں وطنءِ دیمپانی ءِ ھاترءَ ورناھ آنی جوشءُ جزبگ ساڑاتگ ءُ آپریشنل تیاری آنی سرءَ سدکیءِ درشانی کتگ۔ مزن وزیرءَ را سرپد کنگ بوتگ کہ اے سی ای یک بے مٹیں ادارگ اِت کہ جدید اسراتی ءُ انفراسٹرکچر باز جوان اِنت۔ مزن وزیر ءَ ایوی ایشن سٹی پراجیکٹءِ تہا جہلیں ھدوکی ءِ درشانی کتگ کہ کامرہ ءَ جوڈ کنگ بوتگ۔ مزن وزیر ءَ ملکءِ بُرزی سیمسرآنی دیمپانی کنگءَ پاکستان ایئرفورس ءِ ھاسیں کردءَ را ساڑاتگءُ ناشرکاری ءِ لنعت ءِ ھلاپ ءِ جنگءَ ھم آھانی کرد ساڑاتگ۔