صدر ممنو ن حسین سائنس ءُ ٹیکنالوجی ءِ ھوالگءَ اسلامی کمک تنظیم ءِ اولی سروکی کانفرنس ءَ ھوار بوھگءِ ھاترءَ آستانہءَ سربوت

آستانہ۔09ستمبر(اے پی پی) صدر ممون حسین سائنس ءُ ٹیکنالوجی ءِ ھوالگءَ اسلامی کمک تنظیم ءِ اولی سروکی کانفرنسءَ ھواربوھگءِ ھاترءَ شمبے ءِ روچءَ چارروچی سرکاری ترءُ تابءَ قزاخستانءِ بنجاھی حکومت آستانہءَ سربوتگ۔ دو روچی سرکاری کانفرنس یک شمبے ءِ روچءَ قزاخستان ءِ بنجاھی حکومتءَ بندات بیت۔ قزاخستان ءِ دیمپانیءِ وزیر ءُ ایئرسپیس انڈسٹری بیبت اتم کولوف ءُ ڈپٹی میئر آستانہ امان شائف یرمک ءَ بالی پڑءَ صدرءُ اولی زالبول ءَ وش اَتک کتگ۔ آستانہ ءَ پاکستان ءِ سفیر عبدالسالک ءُ سفارتخانہ ءِ دگہ حکام ھم اے موھءَ ساڑی بوتگ اَنت۔ دودءُ ربیدگی پوشاکانی تہا قزاخ زھگاں صدرءَ پھلانی گلدستگ پیش کتگ ءُ ھاسیں گارڈ ءِ دستہ ءَ سلامی داتگ۔ کانفرنس ءِ موھءَ صدرءِ قزاخستان ءِ مزن وزیرءُ ترکی ءُ بنگلہ دیش ءِ صدرءِ گوما گندءُ نند کنگ ءِ اُمیت اِنت۔ اے اولی سروکی کانفرنس اِت کہ ایشیءِ تہا جانءُ سلامتی ، وانگءُ زانگ ، پٹءُ پول، موسمیاتی مٹءُ بدلی، آزمانی پٹءُ پول ءُ دیمروئی ءِ ھاترءَ ھاسیں کارانی سرءَ ھاس چارءُ بچار کنگ بیت۔