بازیں پڑآنی تہا دیمروئی منصوبہ جاتءِ ھاترءَ زرکاری ءِ پھجارینگءِ ھوالگءَ کارانی سرءَ گپءُ تران بوتگ
ارومچی(چین) ۔08ستمبر(اے پی پی ) ھزانگءِ وزیر سینیٹر اسحاق ڈار ءَ گشتگ کہ وسطی ایشیاء دمگی اقتصادی کمک (کاریک) ءِ باسکیں ملک ءِ ھاترءَ دمگی نزیکی باز ھاس اِنت چیا کہ اے خطہ گوستءَ دنیاءِ دگہ دمگانی مقابلہ ءَ دمگی بیپاری ءُ کمک ءَ پشتءَ اَنت۔ آئیءَ اے گپ ایشیائی دیمروئی بینک ءِ صدر تاکی ہاکونکاؤ ءَ گوں جمعہ ءِ روچءَ گند ءُ نند ءِ تہا کتگ۔ گندءُ نندءِ تہا اے ڈی بی ءِ نیمگءَ چہ بازیں پڑآنی تہا دیمروئی منصوبہ جاتءِ ھاترءَ زرکاری ءِ پھجارینگ ءِ ھوالگءَ گپءُ تران بوتگ۔ ھزانگءِ وزیر اسحاق ڈارءَ کاریک گامگیج ءِ ھاترءَ اے ڈی بی ءِ کمک ءَ را ساڑاتگ کہ باسکیں ملکاناں بیپاری ءُ ٹرانسپورٹیشن ءِ وڈیں پڑآں کمک ءِ ھاترءَ نزیک کنگءَ کمک دنت۔ اسحاق ڈارءَ گشتگ کہ کاریک انسٹی ٹیوٹ ءِ ھات رءَ اے ڈی بی ءِ کمک لکھ ستاھ کرز اَنت، اُمیت اِنت کہ اے انسٹی ٹیوٹ دمگی دیمروئی جیڑھءُ جنجالانی گیشءُ گیواری پیش کنگءِ ھاترءَ ھاس کرد پیلو کنت۔ اے ڈی بی ءِ صدر ءَ پاکستان ءِ تہا اے ڈی بی ءِ کمک گامگیجانی ھاترءَ دلبڈی کنگءَ ھزانگءِ وزیر ءِ شگرءُ منت گپتگ ءُ آؤکیں وھداں کمک ءِ تہا گیشی کنگءِ اوست داتگ۔
