اسلام آباد۔08ستمبر(اے پی پی) پلاننگ کمیشن ءِ ڈپٹی چیئرمین سرتاج عزیز ءَ گشتگ کہ ملک ءِ تہا وانندگی ءِ شرح ءَ را گہتر کنگءِ ھاترءَ جدید وڑءُ پیم کنگ بنت۔ صوبائی حکومت دراھیں شریدارانی گوما یک جاھ وانندگی ءِ تہا شرح ءِ تہا گیشی کنگءِ ھاترءَ گامگیج بہ کنت۔ اے ھیالانی درشانی آئیءَ جمعہءِ روچءَ وانندگی ءِ روچءِ درگتءَ مراگشءَ گوں تران کنانءَ کتگ۔ پلاننگ کمیشن ءِ ڈپٹی چیئرمین سرتاج عزیز ءَ گشتگ کہ وژن 2025ءِ ردءَ انوگیں حکومت ملک ءَ چہ نہ وانندگی ءَ را ھلاس کنگءِ ھاترءَ کوشست کنگءَ اِنت ءُ اے ھوالگءَ حکومت وژن 2025ءِ ردءَ وانگ جاھاں رؤکیں جنک ءُ بچک نودربرانی کساسءِ تہا تپاوت ءَ را ھلاس کنگءِ ھاتءَ کوشست کنگءَ اِنت، آیوکیں پنچ سالانی تہا اے تپاوت ءِ تہا 50درسد ءِ کمی آرگ بیت ءُ 2025ءَ ھمک جنک نودربر وانگءُ زانگ ءِ سھتءُ زیورءَ چہ سھمبائنگ بیت۔
