ملکءِ صدر ممنون حسین ءَ مشتاق احمد سکھیرا ءَ چہ بنجاھی ٹیکس متحسب ءِ عہدگ ءِ سوگند زُرتگ۔ سوگند چست کنگءِ پُرمڈاھیں مراگش جمعہءِ روچءَ ایوان صدر ءَ بوتگ کہ ایشی ءِ تہا سینئر سیاست دان، سول افسرءُ زندءِ دراھیں تکءُ پھناتاں چہ سیادی داروکیں مردم ھوار بوتگ اَنت۔ ایشی ءَ پد بنجاھی ٹیکس محتسب مشتاق احمد سکھیراءَ ملکءِ صدر ممنون حسین ءَ گوں گندءُ نند کتگ۔ صدرءَ آئی ءَ را بنجاھی ٹیکس محتسب جوڈ بوھگءِ سرءَ مراد بات داتگءُ آئی ءَ را نوکیں زمہ واری ءِ پیلو کنگءِ ھاترءَ نیکیں واھشتانی درشانی کتگ۔ صدرءَ اے گپءِ سرءَ زور پِرداتگ کہ بنجاھی ٹیکس محتسب ءِ ادارگ اُلسءَ را زوتاں چہ زوت ریلیف پھجارینگ ءِ ھاترءَ وتی کوشستاں جاری کنت۔
