چشمہ۔08ستمبر(اے پی پی) مزن وزیر شاہد خاقان عباسی ءَ جمعہ ءِ روچءَ 340میگاواٹ بجلی ودی کنوکیں پنچمی جوہری بجلی گس سی ۔فورءِ بنگیجی کتگ۔ پاکستان ایٹمی توانائی کمیشن جوہری ٹیکنالوجی ءِ امنءُ ایمنیں مولءُ مراد ءِ وتی وژن ءِ سرءَ عمل کنگءَ اِنت ۔ اے منصوبہ چکاسی بنیاتانی سرءَ کار کنت کہ ایشی ءِ تہا فنکشنل ءُ سیفٹی ءِ گوما ھمیں ٹیسٹ سرجمیں زانتکاری ءِ گوما کنگ بنت۔ اے منصوبہ پاکستان اٹامک انرجی کمیشن ءُ دوستیں ملک چین ءِ یک جائی کوشستاں چہ سرجم کنگ بوتگ۔ چشمہ فور ءَ چہ حاصل بوھوکیں بجلی نیشنل پاور گرڈ ءَ را سپلائی کنگ بیت، ایشی ءَ چہ پیسر چشمہ ن نیوکلیئرپاور پراجیکٹ ءِ یونٹس سی ۔ون ، سی ۔ ٹوءُ سی ۔تھری سوبمندی ءِ گوما نیشنل گرڈءَ را 2000، 2011ءُ 2016ءَ چہ سوبمندیءِ گوما بجلی پھجارینگ ءَ اَنت۔ سئیں نیوکلیئر پاور پلانٹس چینی ٹیکنالوجی ءِ ایگ اَنت ءُ تاں انوں آھانی کار ءُ کرد باز جوان تر بوتگ، ایشاں چہ 950میگاواٹ ءَ چہ گیش بجلی نیشنل گرڈ ءَ را پھجارینگ بوھگءَ اِنت، سی ۔ فور پاور پلانٹ ءِ بنگیج ءَ چہ بجلی ءِ پیداوارگیش بیت وھدے کہ کے ۔ٹو ءُ کے ۔تھری دومزنیں نیوکلیئر پاورپلانٹس کراچی ءِ نزیک ءَ جوڈ بوھگءَ اِنت کہ اُمیت اِنت کہ 2020ءُ 2021ءَ آپریشنل بیت کہ ایشاں چہ نیشنل گرڈ ءَ را 2200میگاواٹ بجلی حاصل بیت۔
