اسلام آباد۔07ستمبر(اے پی پی) مزن وزیرءِ ھاسیں کمک کار علی جہانگیر صدیقی ءَ مزن وزیر ءِ راج دپتری ءُ لبزانکی میراث ءِ صلہ کار عرفان صدیقی ءَ گوں پنچ شمبے ءِ روچءَ گندءُ نند تگءُ دو نیمگی کارانی سرءَ ھیال ءُ لیکہ ءِ درشانی کتگ۔ عرفان صدیقی ءَ علی جہانگیر صدیقی ءَ را مزن وزیر ءِ ھاسیں کمک کار ءِ زمہ واری سمھبالگءِ سرءَ مراد بات داتگءُ اُمیت درشا ن کتگ کہ آ سرجمیں محنتءُ زانتکاری ءِ گوما وتی کردءَ پیلو کنت۔ علی جہانگیر صدیقی ءَ گشتگ کہ ملکءِ تہا علمءُ لبزانک ءُ ازم ءِ گیش کنگءِ ادارگانی عرفان صدیقی ءِ سروکیءَ کار کنگ جوانیں گپ اِت۔ آئیءَ اسلامی کانفرنس تنظیم(او۔آئی۔ سی) ءِ بنجاھی تحقیق برائے اسلامی راج دپتر، دود ءُ ربیدگ ءُ ازم ( ارسیکا) ءِ کمک ءَ چہ میاں اوستمانی خطاطی نماش ءِ سوبمندیں برجمی ءَ را ساڑاتگءُ دگہ شہرآنی تہا ھم وے وڑیں سُر ءُ پُر کنگءِ واھشت ءِ درشانی کتگ۔
