اسلام آباد۔07ستمبر(اے پی پی) تحریک انصاف ءَ راپارٹی فنڈنگ کیس ءِ تہا الیکشن کمیشن ءَ 11ستمبر ءَ ریکارڈ جم کنگءِ پرمان داتگ۔ پنچ شمبے ءِ روچءَ پی ٹی آئی پارٹی فنڈنگ کیس ءِ گوشدارگ چیف الیکشن کمشنر ءِ سروکی ءَ الیکشن کمیشن ءِ بنچءَ کتگ۔ پی ٹی آئی ءِ وکیل فیصل چوہدری الیکشن کمیشن ءَ پیش بوتگ ءُ کاروائی دارگ ءِ دزبندی کتگ کہ ایشی ءِ سرءَ چیف الیکشن کمشنر ءَ گشتگ کہ آمید گس حکم امتناعی جاری بہ کنت گڈا کاروائی ءَ دار اَنت بلے اگاں مزن آمید گسءَ حکم امتناعی نہ دات گڈا کاروائی ءَ دیمءَ بر اَنت۔ پی ٹی آئی مئے پرمان ءِ سرءَ عمل چیا نہ کنت کہ ایشیءِ سرءَ پی ٹی آئی وکیل ءَ گشتگ کہ آ شاہ آمید گس ءَ پارٹی فنڈنگ ءِ ریکارڈ جم کتگ کہ ایشی ءِ سرءَ الیکشن کمشنر ءَ پرمان داتگ کہ شاہ آمید گسءَ جم کتگیں ریکارڈ الیکشن کمیشن ءَ جم کنگ بہ بیت، ریکارڈ جم کنگءِ گڈی موھءَ دیئگءَ اَنت الیکشن کمیشن ءَ پی ٹی آئی ءَ را 11ستمبرءَ پارٹی فنڈنگ ءِ ریکارڈ جم کنگءِ پرمان داتگ ءُ کیس ءِ گوشدارگ مھتل کتگ۔
