اسلام آباد۔07ستمبر(اے پی پی) راجی اسمبلی سیکرٹریٹ ءَ پاکستان پیپلز پارٹی ءَ روہنگیا مسلمان آنی سرءَ ریاستی بدتریں زُلمءُ نہ ھکی ءِ ھوالگءَ یک تپاک نامہ جم کتگ۔ پنچ شمبے ءِ روچءَ راجی سیکرٹریٹ ءَ راجی اسمبلی ءَ قائد حزب اختلاف سیّد خورزشید احمدشاہ، راجی اسمبلی ءِ باسک شازیہ مری عطاء مری، ڈاکٹر نفیسہ شاہ، سّید غلام مصطفی شاہ، سیّد نوید قمر، اعجاز حسین جاکھرانی، غلام رسول گوریجہ، ڈاکٹر عذرا فضل، محمد ایاز سومرو، شاہدہ رحمانی، عمران ظفر لغاری، رمیش لعل، شگفتہ جمانیءُ ڈاکٹر مہرین رزاق بھٹو ءِ نیمگءَ چہ جم کتگ تپاک نامہ ءِ تہا میانمار حکومت ءِ ریاست رخائن ءَ جاری زُلمءُ نہ ھکی ایر جنگ بوتگ ءُ لوٹ کنگ بوتگ کہ حکومت مسلمان آنی سرءَ زُلمءُ نہ ھکی ءِ ھلاپ ءَ میانمار حکومتءَ گوں نزیکی بہ کنت۔ اقوام متحدہ ءَ چہ لوٹ کنگ بوتگ کہ اے جیڑھ ءِ تہا زوت گامگیج چست بہ کنتءُ اقوام متحدہ میانمار حکومت ءَ را امنءُ ایمنیں گیشءُ گیواری ءُ بے لوگ بوتگیں مردماں ھمساھگیں ملک آں سر کنگءِ ھاترءَ بندوبست کنگءِ سرءَ راضی بہ کنت۔
