مزن وزیر ءِ شکر ءِ صنعت ءِ جیڑھءُ جنجال ءِ گیشءُ گیواری ءِ ھاترءَ کسانیں ءُ مزنیں مدتی سوج پیش کنگءِ ھاترءَ بیپاریءِ وزارت ءَ را شکر ایڈوائزری بورڈ ءِ گوما کار کنگءِ پنتءُ شون
اسلام آباد۔07ستمبر(اے پی پی) مزن وزیر شاہد خاقان عباسی ءَ شکر ءِ صنعت ءِ جیڑھءُ جنجال ءِ گیشءُ گیواری ءِ ھاترءَ کسانیںءُ مزنیں مدتی سوج پیش کنگءِ ھاترءَ بیپاری ءِ وزارت ءَ را شکر ایڈوائزری بورڈ ءِ گوما یک جاھ کار کنگءِ پنتءُ شون کتگ۔ آئیءَ اے منتءُ شون پنچ شمبے ءِ روچءَ شکر انڈسٹریءِ ھوالگءَ دیوانءِ سروکی کتگءُ داتگ کہ ایشیءِ تہا شکر ءِ صنعت ءِ ھوالگءَ کارانی ھوالگءَ سرپد کنگ بوتگ۔ دیوان ءِ تہا پاکستان ءِ تہا شکر ءِ صنعت ءِ دیمروئی ءِ تہا حکومتءِ کرد، صنعت ءِ ھوالگءَ جیڑھءُ جنجال ءُ حکومت ءِ نیمگءَ چہ صنعت ءِ کمک ءِ ھوالگءَ سرپد کنگ بوتگ۔ پاکستان شوگر ملز ایسوسی ایشن ءِ نمائدگاں مزن وزیر ءَ را ھال داتگ کہ 2009-10ءِ مقابلہ ءَ2016-17ءَ شکر ءِ یک ملین ٹین پیداوار ءِ تہا 125درسد گیشی بوتگ وھدے کہ شرکانڈیل ءِ یک ہیکڑ رقبہ ءِ تہا ھمے وڈءَ 29درسد گیشی بوتگ۔ پاکستان شوگر ملز ایسوسی ایشن ءِ ردءَ اے نمو ءَ چہ دھکانانی ریونیوءِ تہا کمءُ گیش 95ارب کلدار ءَ چہ 325ارب سالانہ گیشی بوتگ۔ مزن وزیر ءَ را ھال دیئگ بوتگ کہ شکرکانڈیلءِ کشار دھکانانی ھاترءَ مرچی ھم پاھدگ مند اِنت۔ دیوان ءِ تہا برآمدءِ ھاترءَ اجازتءَ ھوار شکر ءِ صنعت ءِ جیڑ ھءُ جنجالانی سرءَ ھم چارءُ بچار کنگ بوتگ۔ دیوان ءِ تہا بیپاری ءِ وزیر محمد پرویز ملک، راجی وردنءُ وراک ءِ پلگاریءِ وزیر سکندر حیات بوسن ءُ پاکستان شوگر ملز ایسوسی ایشن ءِ عہدگ داراں ابید سینئر حکام ھم ساڑی بوتگ اَنت۔
