اسلام آباد۔07ستمبر(اے پی پی) مزن وزیر ءِ یوتھ پروگرام ءِ ردءَ 2014-17ءَ نودربرانی سرءَ سئے لکھ لیپ ٹاپ بھر ءُ بانگ کنگ بوتگ۔ پنچ شمبے ءِ روچءَ حکام ءَ را ھال دیئگ بوتگ کہ اے پروگرام ءِ مولءُ مراد ورناھ آناں جدید ٹیکنالوجی ءَ گوں پجّار کنگ اِنت۔ اے پروگرام ءِ تہا حکومت ءَ میرٹ ءِ سرءَ مزن شاہ دربرجاھ ءِ نودربر گچین کتگ۔ انفارمیشن ٹیکنالوجی وھدءِ ھاسیں ضلورت اِتءُ ایشیءِ کمکءَ چہ گہتریں ریسرچ ورک کُت کن اَنت۔ مزن وزیر یوتھ پروگرام ءِ ردءَ بھرءُ بانگ کتگیں لیپ ٹاپ ءِ گہتریں نتیجگ دیم ءَ اَتکگ اَنت ءُ آ مردم کہ وتی چکاناں لیپ ٹاپ بہا گپت ءُ دات نہ کن اَنت آاے جدید ٹیکنالوجی ءَ چہ پاھدگ چست کنگءَ اَنت۔
