ساپءُ سلہ ءُ میرٹ ءِ سرءَ بھرتی کنگءَ فیڈرل پبلک سروس کمیشن ھاسیں کرد پیلو کنت، مزن وزیر شاہد خاقان عباسی
اسلام آباد۔07ستمبر(اے پی پی) مزن وزیر شاہد خاقان عباسی ءَ ساپءُ سلہ ءُ میرٹ ءِ سرءَ بھرتی کنگءِ عملءِ سرءَ زور پِرداتگ ءُ گشتگ کہ اے ھوالگءَ فیڈرل پبلک سروس کمیشن (ایف پی ایس سی ) ھاسیں کرد پیلو کنت۔ آئیءَ اے گپ ایف پی ایس سی ءِ چیئرمین نوید اکرم چیمہ ءِ گوما گپءُ تران کنانءَ کتگ پنچ شمبے ءِ روچءَ مزن وزیر کارگس ءَ آئی ءِ گوما گندءُ نند کتگ۔ چیئرمین ایف پی ایس سی ءَ مزن وزیر ءَ را ادارگءِ کارءُ کردءِ ھوالگءَ سرپد کتگ۔ مزن وزیر شاہد خاقان عباسی ءَ پبلک سروس ءِ ھاترءَ بلدیں ءُ کواسیں مردمانی گچین کنگءِ سرءَ ایف پی ایس سی ءِ ھاسیں کرد ساڑاتگ۔
