ملک ئِ جوانیں پجار ئِ در جنگ ئِ ھاترا مھکمیں گامگیج کنگ ئِ ضلورت اِنت، اھوال آں تاں رسگ ئُُ ایشانی شنگ ئُُ تالان ئِ ھوالگ ئَ وزارت ئِ اھوال کاری ئُُ شنگ کاری پکوئیں گامگیج بہ زور ایت
وزیر ئِ مملکت اھوالکاری ئُُ شنگ کاری مریم اورنگزیب ئَ مزن وزیر ئَ را وتی وزارت ئُُ پریس انفارمیشن ایکسٹرنل پبلسٹی ونگ ئَ ھوار ایشی ئَ گوں سیادی داروکیں محکمہ آنی کار ئِ بابت ئَ بریفنگ دات
اسلام آباد ۔ 6ستمبر (اے پی پی) مزن وزیر شاہد خاقان عباسی ئَ ملک ئِ جوانیں پجار ئِ در جنگ ئِ ھاترا مھکمیں گامگیج کنگ ئِ ضلورت ئِ سر ئَ زور پر دیان ئَ وزارت ئِ اھوالکاری ئُُ شنگ کاری ئَ را پنت ئُُ شون کت کہ آ اھوال آنی در جنگ ئُُ ایشی ئِ شنگ ئُُ تالان ئِ لوٹ ئِ بابت ئَ پکوئیں گامگیج بہ زور ایت۔ آئی ئَ اے گپ چار شمبے ئِ روچ ئَ وزارت ئِ اھوالکاری ئُُ شنگ کاری ئِ کار آنی بابت ئَ بریفنگ ئِ پاگواجئی ئَ کنان ئَ کت اَنت۔ وزیر ئِ مملکت اھوالکاری ئُُ شنگ کاری مریم اورنگزیب ئَ مزن وزیر ئَ را وتی وزارت ئُُ پریس انفارمیشن ڈیپارٹمنٹ، ایکسٹرنل پبلسٹی ونگ ئَ ھوار ایشی ئَ گوں سیادی داروکیں محکمہ آنی کار ئِ بابت ئَ بریفنگ دات۔ بریفنگ ئِ ساھت ئَ الیکٹرانک ئُُ ڈیجیٹل میڈیا ئِ ھوالگ ئَ گامگیج آنی سرئَ ھاسیں دلگوشی دیگ بوت۔ پاکستان ٹیلی ویژن کارپوریشن ئُُ فلمز اینڈ براڈ کاسٹنگ پالیشی آنی ھوالگ ئَ کار آنی سر ئَ باست ئُُ واست کنگ بوت۔ مزن وزیرر ئَ اے گپ ئِ سر ئَ زور پر دات کہ میاں اوستمانی تک ئَ دروگ ئُُ پندلی پروپیگنڈا آنی گر ئُُ دار ئُُ ملک ئِ جوانیں پجار ئِ سہرا کنگ ئِ ھاترا الکاپیں گامگیج زورگ ئِ ضلورت ئِ سر ئَ زور پر دات۔ مزن وزیر ئَ گوشت کہ وزارت ئِ اھوالکاری ئُُ ایشی ئَ گوں سیادی داروکیں محکمہ گیش راھ وار بہ بنت ئُُ الکاپیں رنگ ئَ مردم آنی ضلورت پیلو بہ بنت۔
