اسلام آباد۔07ستمبر(اے پی پی ) فاٹا ءِ ادارکی بے لوگ بوتگیں مردمانی لوگءُ جاگہانی ملام ءِ دیئگءِ ھاترءَ ھزانگءِ وزارت ءَ یک ارب کلدار جاری کتگ۔ بے لوگ بوتگیں مردماں ملام ءِ دیئگ بوھگءَ اِنت، تاں انوں 8ارب کلدار بھرءُ بانگ کنگ بوتگ اَنت۔ فاٹا ءِ تعمیرنوءُ بحالیءِ پروگرام منیجر شکیل انجم ءَ ’’ اے پی پی‘‘ ءِ گوما گپءُ تران کنانءَ گشتگ کہ ناشرکارانی ھلاپ ءَ آپریشن ءِ وھدءَ فاٹا ءِ ادارکی بے لوگ بوتگیں مردماناں لوگءُ جاگہانی ملام دیئگ بوھگءَ اِنت، اے ھوالگءَ بنجاھی حکومتءَ فاٹاءِ بے لوگ بوتگیں مردماناں ملام دیئگ ءَ 8ارب کلدار بھرءُ بانگ کتگ وھدے کہ گوازوکیں ماھءَ 3ارب کلدار گیش بھرءُ بانگ کنگ بنت۔ آئیءَ گشتگ کہ فاٹا ءِ ادارکی بے لوگ بوتگیں مردمانی بحالیءُ نوک سر تعمیر ءِ پروگرام جون 2018ءَ جاری بیت ۔
