اسلام آباد۔06ستمبر (اے پی پی) پاکستان دیمپانی ئِ روچئِ ھوالگئَ پیسرگیں آرمی چیف جنرل (ر) راحیل شریف ئَ میجر شبیر شریف شہید نشان حیدر ئِ مزارئِ سرئَ حاضری داتگءُ پھلانی چادر پر داتگ۔ نجی ٹی وی چینل ئِ ردئَ 06ستمبر پاکستان ئِ دیمپانی ئِ روچئِ موھئَ سرجمیں ملک ئَ مراگش کنگ بوتگ ءُ شہیدآنی یات گارئِ سرئَ پھلانی چادر پِر دیئگ بوتگ۔ 1971ئَ شہید بوتگیں ءُ نشان حیدر ئَ وتی نام ئَ کنوکیں میجر شبیر شریف شہید ئِ مزار ئِ سرئَ ھاسیں مراگش کنگ بوتگ کہ ایشی ئِ تہا پیسرگیں آرمی چیف جنرل (ر) راحیل شریف ھاس ھوار بوتگ۔ راحیل شریف ئَ شہید ئِ مزارئِ سرئَ پھلانی چادر پِر داتگءُ پاتحہ وانتگ۔ اے موھئَ پاک فوج ئِ دستہ ئَ شہید ئَ راسلامی داتگ۔ مراگشئِ تہا میجر شریف شہید ئِ بچ تیمور ءُ ھاندان ئِ دگہ مردماں ھوار مزنیں کساسے ئَ مردماں شہید ئِ کبرئِ سرئَ حاضری داتگءُ پاتحہ ونتگ۔
