بارکھان۔ 06ستمبر(اے پی پی ) کوہلو ئِ دمگ کاہان ئَ بمب ایر کتگیں سیپ ئِ تہا تراک ، زالبولئَ ھوار 3مردم بیران وھدے کہ یک زھگے ٹپیگ بوتگ۔ پولیس ئِ گشگئِ ردئَ چارشمبے ئِ روچئَ بلوچستانئِ دمگ ضلع کوہلو ئِ تحصیل کاہان ئِ دمگ نساﺅ ئَ دگئِ کنارگئَ بمب ایر کتگیں سیپ ئِ تہا تراک بوتگک کہ ایشیئِ نتیجگئَ زالبول ءُ دو چکاں ھوار سئے مردم موھئِ سرئَ بیران بوتگ اَنت وھدے کہ یک زھگے ٹپیگ بوتگ، پولیس ءُ سکیورٹی فورس آں ھال سربوتگ آھاں وتئَ را موھئِ سرئَ سرکتگءُ جونءُ ٹپیگ زوت ھندی نادراھ جاھئَ سرکتگ اَنت ءُ دمگئِ ناکہ بندی کتگءُ کتاکارانی پٹءُ پول بندات کتگ۔
