اسلام آباد۔05ستمبر (اے پی پی) مذہبی کارانی وزیر سردار محمد یوسف ئَ گشتگ کہ اے سال ئَ حج آپریشن سوبمند بوتگ۔ ریڈیو پاکستانئَ گوں گپءُ تران کنانئَ مذہبی امور ئِ وزیر سردار محمد یوسف ئَ ھال داتگ کہ گوازوکیں سال حج آپریشن ھر وڈئَ سوبمند بوتگ۔ حاجی آنی رﺅگءُ آھگ، نندگ ءُ وراک ئِ ھوالگئَ حکومتئِ نیمگئَ چہ کتگیں دراھیں کوشستانی سرئَ سدّکی بوتگ۔ آئیئَ گشتگ کہ حج 2017ئِ آپریشن ئِ سوبمندی ئِ شاباشی حکومت ئَ ر ا دیئگ لوٹیت کہ آئیئِ سرجمیں کمک ئَ چہ اے آپریشن سوبمند بوتگ۔ آئیئَ گشتگ کہ حج ایڈوائزی کمیٹی ئَ را دست کپتگیں شکایت ئَ پد 58ہزار حاجی کہ آھاں ٹرین ئِ ٹکٹ دست نہ کپتگ ءُ آھاں بسئَ سفر کتگ آھاں 250سعودی ریال واتر کنگ بنت۔ آئی ئَ گشتگ کہ حاجی آں اے زر آھانی وطن واتر بوھگئَ چہ پیسر دیئگ بنت۔
