چین ئِ نوکیں اکنامک ماڈل نیزگاریں ملک آ ں دیمروئی دنت
اسلام آباد۔04ستمبر(اے پی پی) اسلا م آباد چیمبر آف سمال ٹریڈرز ئِ سروک شاہد رشید بٹئَ گشتگ کہ سی پیک دنیا ئِ تہا نوکیں معاشی نظام ئِ جوڈ کنگئِ نیمگئَ یک ھاسیں گام اِت کہ ھمے سوبئَ اے ایر جنگ بوھگئَ اِنت۔ اے منصوبہ ئَ چہ روبرکتی ملک آنی اقتصادی اجارہ داری ھلاس بیتءُ پاکستان ئَ ھوار سئمی دنیا ئِ بازیں ملک آنی دیمروئی ئِ کشک پچ بنت کہ اے بازیں میاں اوستمانی زوراکاں منظور نہ اِنت۔ شاہد رشید بٹ ئَ گشتگ کہ سئے ہزار دو سد ھژدہ کلومیٹر ئِ سرئَ جوڈ اے راہداری ئَ چہ دنیا ئِ نیم ملک گوں چینئَ نزیک بنت وھدے کہ اے منصوبہ پاکستان ئِ نیزوریں معیشت ئِ ھاترئَ آکسیجن ئِ کارئَ کنت کہ ایشیئَ چہ ملکی دیمروئی ئِ عمل گشاد، جی ڈی پی ئِ تہا سک باز گیشی ، روزگارئِ موھ ودی بنت۔ اے منصوبہ ئِ برکت پاکستان ءُ چین ئِ درنیامئَ بیپاری ھم کچ بیت۔ آئیئَ گشتگ کہ بھارت اے منصوبہ ئَ را ایر جنگ ئِ بدلئَ ایشی ئِ تہا ھوار بہ بیت تنکہ پاکستانئِ کشک ئَ چہ اوگانستان ئِ منڈیاں شُت بہ کنت۔ آئیئَ گشتگ کہ آیوکیں سال ئَ سی پیک ئِ ردئَ جوڈ بوھوکیں توانائی ئِ بازیں منصوبہ پیداوار دیئگ بندات کن اَنت کہ ایشیئَ چہ نیشنل گرڈ ئِ تہا ھپت ہزار میگا واٹ بجلی ھوار بیت وھدے کہ رودراَتکیءُ روبرکتی کشک وت مہ وت ئَ ھم دپ بنت۔ ایشی ئَ چہ سرجمیں پاکستان ئَ صنعتکاری ئِ عمل بندات بیت ۔
