راولپنڈی۔یکم ستمبر(اے پی پی) پاک فوج ءُ پاکستان رینجرز سندھ ئِ 15ٹیم کراچی ئَ توپانی ھورئَ پد شہرئَ چہ ھورءِ آپ ئِ درکنگئِ ھاترئَ کمکی کاروائی کنگ ئَ اَنت، تاں انوں ھور ئِ آماچیں دمگاں پمپس ئِ وسیلگئَ آپ ئِ درکنگئِ کار سرجم کنگ بوتگ۔ پاک فوج ئِ ھال رسانکی پڑ(آئی ایس پی آر) ئِ گشگئِ ردئَ پاک فوج ءُ پاکستان رینجرز سندھ ئِ 15ٹیم سول انتطامیہ ئِ گوما ھوار عائشہ منزل ، سہراب منزل ، سہراب گوٹھ، غریب آباد انڈرپاس، لیاقت آباد انڈر پاس ، ناظم آباد انڈر پاس، سرجانی سیکٹر بی فور، یوسف گوٹھ، اجتماع گاہ، منگوپیر ، سٹاپ لمبر پنچ ، نیوچکی ، پاور ہاﺅس چورنگیءُ سلطان آباد منگو پیر ئَ پمپ ئِ وسیلگئَ آپ درکنگ بوتگ، دگہ دمگاں ھورئِ آپ درکنگ بوھگئَ اِنت۔
