میاں اوستمانی براتی ئَ را ناشرکاری ئِ ھلاسی ئِ ھاترئَ پاکستان ئِ قربانی منگ لوٹ اَنت، چینی دری کارانی وزارت ئِ جارچین
بیجنگ۔یکم ستمبر ( اے پی پی) چین ئَ بھارتی مزن وزیر نریندر مودی ئَ گشتگ کہ آ برکس دیوان ئِ موھئَ پاکستان ئِ ھلاپ ناشرکاری ئَ را گیش کنگئِ بھتان ئَ پرہیز بہ کنت۔ برازیل ، روس ، چین ، بھارت ءُ جنوبی افریقہ ئِ سرئَ جوڈ بوتگیں سروکانی دیوان 3تاں 5ستمبر چین ئِ شہر شیامن ئَ بیت۔ چینی دری کارانی کارگسئِ جارچین ہواچن ینگ ئَ بنجاھی حکومت بیجنگ ئَ جاری یک بیان ئِ تہا گشتگ کہ بھارتی مزن وزیر نریندر مودی ئَ گوستگیں سال بھارتی شہر گوائَ بوتگیں ھشتمی برکس دیوان ئَ ھم اے سرھال ئِ سرئَ باستءُ واست کنگ ئِ کوشست کتگءُ پاکستان ئِ سرئَ پاکستانئِ سرئَ ناشرکاری ئِ بھتان جتگ۔ آئی ئَ گشتگ کہ نریندر مودی 9می دیوان ئِ موھئَ اے وڈیں عمل ئَ چہ پرہیز بہ کنت اے جاورھال ئَ کانفرنسئِ ناکامی ئِ تُرس اِنت۔ چینی جارچین ئَ گیش گشتگ کہ بھارتی مزن وزیرئِ نیمگئَ چہ گوستگیں سال ئِ وڈءُ پیم ئِ جزم کنگئَ چین وتی نزیکیں منوک پاکستان ئِ دیمپانی ئَ کنت۔ آئی ئَ گشتگ کہ دنیا اے سال برجم داتگیں برکس سروک دیوان ئَ را ھاسیں ارزشت دیئگ ئَ اِنت۔
