اسلام آباد۔31اگست(اے پی پی) الیکشن کمیشن ءَ راجی اسمبلی ءِ حلقہ این اے 120ءَ ضابطہ اخلاق ءِ ساھت پہ ساھت چارءُ تپاسی کنگ بندات کتگ۔ کمیشن ءِ مانیٹرنگ ٹیم ضابطہ اخلاق ءِ ھلاپ ورزی کنگءَ پکہ کنگءِ ھاترءَ موھءِ سرءَ سر بنت ءُ وتی رپورٹ ھمگرنچیں ریٹرنگ آپسر، ڈسٹرکٹ ریٹرنگ افسر، صوبائی الیکشن کمیشن ءُ الیکشن کمیشن سیکریٹریٹ ءَ استیں بنجاھی سیل ءَ را رپورٹ کنت۔ راجی اسمبلی ءِ حلقہ این اے 120ءَ ضمنی گچین کاری ءِ ھاترءَ پولنگ 17ستمبر ءَ بیت۔ الیکشن کمیشن ءِ نیمگءَ چہ جاری ضابطہ اخلاق ءِ ردءَ کجام ھم راجی یا صوبائی اسمبلی یا انتظامیہ ءِ سرکاری عہدگ دار حلقہ ءِ ترءُ تابءَ کُت نہ کنت۔ ضمنی گچین کاری ءِ نوٹیفیکشن ءَ تاں اھچ ھم تقرری یا بدلی کنگ نہ بیت ءُ نہ کجام دیمروئی سیکم ءِ جار جنگ بیت۔
