ملک ئِ صدر ممنون حسین ئِ آڈیٹر جنرل جاوید جہانگیر ئَ گوں گندءُ نند
اسلام آباد۔30اگست(اے پی پی) ملک ئِ صدر ممنون حسین ئَ گشتگ کہ ساپءُ سلائی ئِ گیش ءُ راجی دیمروئی ئِ ھاترئَ آڈیٹر جنرل آف پاکستان ئِ ادارگ ئِ کرد باز ھاس اِنت۔ اے گپ آئی ئَ آڈیٹر جنرل آف پاکستان جاوید جہانگیر ئَ گوں گندءُ نند ئِ وھدئَ کتگ کہ آئیئَ وتی عہدگئِ سنھبالگئَ پد ملکئِ صدر ئِ گوما ایوان صدرئَ گندءُ نند کتگ۔ ملکئِ صدر ءَ پرمان داتگ کہ سرکاری ادارگ آنی تہا آڈٹ ئِ ھاترئَ بودیناکیں مردم دارگ بہ بنت ءُ ادارگ ئِ افسر ءُ اہلکار ایشانی تربیتءُ استعداد کاری ئَ گیش کنگئِ ھاترئَ جدید تربیتی وڈءُ پیم بہ کنت۔ ملکئِ صدر ئَ آڈیٹر جنرل جاوید جہانگیر ئَ را عہدگئِ سنھبالگئَ آئیئَ را مراد بات داتگ ءُ نیکیں واھگانی درشانی کتگ۔ آڈیٹر جنرل ئَ اے عہدگ ئِ سرئَ جوڈ کنگئَ صدرئِ شگرءُ منت گپتگ۔
