اوگانستان ئِ باروا نوکیں امریکی پالیشی ئِ نتیجگ ئَ پیداک بوتگیں جاور ھال ئُُ اے رد ئَ پاکستان ئِ گامگیج آنی سر ئَ چار ئُُ بچار
دیمپانی، ھزانگ، درئی کار ئُُ توکی کار آنی بُنجاھی وزیر چیئرمین جوائنٹ چیفس آف سٹاف کمیٹی، سئیں سلاھ بندیں اُرد آنی سروک، راجی سلامتی ئِ مشیر، کلانئیں سول ئُُ اُردی کارندہ آں بھر زوری کت
اسلام آباد ۔ 30 اگست (اے پی پی) راجی سلامتی کمیٹی ئِ دیوان ئَ اوگانستان ئِ بابت ئَ نوکیں امریکی پالیشی آنی ھوالگ ئَ پیداک بوتگیں جاور ھال ئُُ اے رد ئَ پاکستان ئِ گامگیج آنی سر ئَ چار ئُُ بچار کنگ بوت، یکیں ھپتگ ئِ تہ ئَ اے رنگ ئِ دومی دیوان اَت۔ مزن وزیر شاہد خاقان عباسی ئَ دیوان ئِ سروکی کت۔ دیدوان ئَ امریکہ ئِ صدر ئِ جار ئِ سر ئَ سرجمی ئَ ھیال ریچی کنگ بوت۔ دیوان ئَ وزیر ئِ دیمپانی خرم دستگیرخان، وزیر ئِ ھزانگ سینیٹر اسحاق ڈار، وزیر ِ ئِ توکی کار احسن اقبال، وزیر ئِ درئی کار خواجہ محمد آصف، چیئرمین جوائنٹ چیفس آف سٹاف کمیٹی جنرل زبیرمحمود حیات، چیف آف آرمی سٹاف جنرل قمر جاوید باجوہ، چیف آف نیول سٹاف ایڈمرل محمد ذکاءاللہ، پاک بالی اُرد ئِ ائیر چیف مارشل سہیل امان، راجی سلامتی ئِ مشیر لیفٹیننٹ جنرل (ر) ناصر جنجوعہ ئُُ کلانئیں اُلسی ئُُ اُردیی کارندہ آں بھر زوری کت۔
