اسلام آباد۔29اگست(اے پی پی) ہاﺅس بزنس ایڈوائزری کمیٹی ئَ راجی اسمبلی ئِ 45می سیشن ئِ شیڈول ءُ ایجنڈا ئِ منظوری دیئگ بوتگ۔ دیوان سئے شمبے ئِ روچئَ راجی اسمبلی ئِ اسپیکر سردار ایاز صادق ئِ سروکی ئَ بوتگ کہ ایشی ئِ تہا مزن گسی کارانی تہا بنجاھی وزیر شیخ آفتاب احمد، پیپلز پارٹی ئِ مزن گسی لیڈر سید نویدقمر، ڈاکٹر شیریں مزاری، صاحبزادہ طارق اللہ، اقبال محمد علی خان ءُ شیخ صلاح الدین ھوار بوتگ اَنت۔دیوان ئِ تہا ھم تپاکیئِ گوما اے ٹھینگ بوتگ کہ سئے شمبے ئِ روچئَ دیوان راجی اسمبلی ئِ باسک گلزار خان ئِ بیرانئِ سوبئَ پاتحہ وانگئَ پد مھتل بیت۔ چار شمبے ئِ روچئَ امریکی صدر ڈونلڈ ٹرمپ ئِ اوگانستان ءُ پاکستان ھوار جنوبی ایشیا ئِ ھاترئَ پالیسی ئِ ھوالگئَ بیان ئِ سرئَ باستءُ واست کنگ بیت۔ راجی اسمبلی ئِ دیوان تاں دو روچ جاری دارگ ئِ سرئَ تپاک کنگ بوتگ ۔
