اسلام آباد۔ 29 اگست (اے پی پی) قومی اقتصادی کونسل نا ایگزیکٹو کمیٹی (ایکنک) چندی شونداری ڈٹ آتا منظوری ئِ تسنے۔ ایکنک نا دیوان سے شنبے نا دے وزیراعظم شاہد خاقان عباسی نا کماشی ٹی اڈ ہلک۔ وزیراعظم آفس نا کنڈآن جاری بیان نا رداٹ ایکنک سکھر الیکٹرک پاور کمپنی (سیپکو) نا کنڈآن پوسکن آ 132کے وی گریڈ اسٹیشن و ٹرانسمیشن لین ڈٹ انا جوڑ جاڑ، سیپکو نا بجلی نا بشخ وپانٹ نا ڈٹ و توانائی لاسز اٹی کمتی نا ڈٹ آتا ہم منظوری ئِ تس۔ دیوان اٹی وزیراعظم نا قومی جان جوڑی پروگرام آ نظرثانی نا ہم منظوری تننگا۔ ایکنک چترال، گرم چشمہ، دوراہا روڈ ڈٹ انا جوڑ جاڑ، متکن آ بنوں سڑک ئِ اِرا رویہ و گچین کننگ نا ڈٹ، پنڈی گھیب کوہاٹ روڈ ئِ اِرارویہ و گچین جوڑ کننگ نا ڈٹ آتاہم منظوری ئِ تننگا۔ ایکنک لاہور۔سیالکوٹ موٹروے نا جوڑ جاڑ نا فنانسنگ نا وڑوڈول آتیٹی بدلی نا منظوری ئِ تس۔ داکان بیدس باران ڈیم ڈٹ اٹی ودکی نا ہم منظوری ئِ تننگا۔ دیوان اٹی وزیر آک و سینئر کمامدارآک ہم بشخ ہلکر۔
