اسلام آباد۔ 29 اگست (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی ریلوے ڈویژن نا شونداری ڈٹ آتے کن جم وڑاٹ 8 ارب 63 کروڑ 18 لکھ 94 ہزار روپئی نا فنڈ جاری کرینے۔ حکومت داڈویژن نا شونداری کاریم تے کن 42ارب 90 کروڑ روپئی جتا کرینے۔ پلاننگ کمیشن نا جاری کروک حساب وکتاب نا رداٹ حکومت چین پاکستان اقتصادی راہداری نا رداٹ ایم ایل ون نا اپ گریڈیشن ، بحالی و مین لین نا ڈیزائننگ کن 5 ارب 50 کروڑ، 75پوسکن آ ڈیزل لوکوموٹوز کن 66کروڑ 33لکھ، کول ٹرانسپورٹیشن کن اسہ ارب 75کروڑ مسہ سد ٹریکشن موٹرآتا بحالی کن 50لکھ، کوہاٹ آن راولپنڈی کن ریل کار ئِ آزموندہی بنداوتیا چلیفنگ کن 14کروڑ 44لکھ، حسن ابدال ، ناروال ، ننکانہ صاحب اٹی سکھ آتا سیل و سوات نا مون آ دننگ کن 10 کروڑ ، ڈرائی پورٹس و ٹرمینل آتیا آسراتی ٹی ودکی کن 12کروڑ 25لکھ، آپریشنل اسٹاف نا وی ایچ ایف کمیونیکیشن سسٹم نا اپ گریڈیشن کن 10 کروڑ روپئی تون اوار چندی شونداری ڈٹ آتے کن شونداری فنڈ جاری کرینے۔
