ہنداہفتہ ٹی ملک انا چندی بشخ آتیٹی پِر انا گمان

اسلام آباد۔ 29 اگست (اے پی پی) محکمہ موسمیات پارینے کہ ہندا ہفتہ ٹی اسلام آباد تون اوار بڑزکو پنجاپ ، خیبر پختونخوا، سندھ اٹی میر پور خاص ، حیدر آباد، کراچی ڈویژن و ملک انا گیشتر ہند آتیا ترند تہو و ہورہ و گروک تون پر انا ہم گمان ئِ وخت اس کہ سکھر ، لاڑکانہ ، شہید بے نظیر آباد، قلات ، کوئٹہ ، سیبی ، ژوب و نصیر آباد اٹی جاگہ جاگہ ترند تہو و ہورہ و گروک تون پِر انا گمان ئِ۔ محکمہ موسمیات نا رداٹ چارشنبے و پنچ شنبے آ اسلام آباد و راولپنڈی ، بہاولپور ، ملتان ، ڈی جی خان و ساہیوال ڈویژن اٹی جاگہ جاگہ وخت اس کہ ہزارہ ، گلگت بلتستان و کشمیر اٹی گڑاس ہند آتیا ترند تہو و ہورہ و گروک تون پِر انا گمان ئِ۔ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و نمبی سلیس ولے اسلام آباد ، راولپنڈی ، سرگودھا ڈویژن و اسلام آباد اٹی گڑاس ہند آتیا ترند تہو و ہورہ و گروک تون پِر مس۔ غٹ آن زیات پِر سرگودھا ٹی 27 ملی میٹر ریکارڈ کننگا۔ بروک آ24 گھنٹہ ٹی اسلام آباد تون اوار بڑزکو پنجاپ ، خیبر پختونخوا ، سندھ اٹی ، میر پور خاص ، حیدر آباد ، کراچی ڈویژن و ملک انا گیشتر ہند آتیا ترند تہو و ہورہ و گروک تون پِر وخت اس کہ ملک انا ایلو علاقہ غاتیٹی موسم پدریسہ بارُن سلک۔