حکومت ٹوھیں وانگ ئُُ زانگ ئِ سر ئَ ھاسیں دلگوشی دیگ ئَ اِنت، ورنا آنی کرد ئِ جوڑیشت ئَ زانشت کار آنی مزنیں دست اِت
اسلام آباد ۔ 28 اگست (اے پی پی) مزن وزیر شاہد خاقان عباسی ئَ گوشت کہ حکموت مزن تک ئِ وانگ ئُُ زانگ ئِ سر ئَ ھاسیں دلگوشی دیگ ئَ اِنت،ورنا آنی کرد ئِ جوڑیشت ئَ زانشت کار آنی مزنیں دست اِت۔ آئی ئَ اے گپ انٹرنیشنل اسلامی یونیورسٹی ئِ ریکٹر پروفیسر ڈاکٹر یاسین زئی ئُُ صدر پروفیسر احمد یوسف احمد الدریویش ئَ گوں تران کنان ئَ گوشت اَنت ایشاں دو شمبے ئِ روچ ئَ اِدا آئی ئَ گوں گند ئُُ نند کتگ اَت۔ صدر انٹرنیشنل اسلامی یونیورسٹی ئَ مزن وزیر ئَ را ٹوھیں کامیاتی ئُُ پٹ ئُُ پول ئِ چست ئُُ ایر آنی بابت ئَ سرپدی دات۔ مزن وزیر ئَ گوشت کہ حکومت ٹوھیں وانگ ئُُُ زانگ ئِ سر ئَ دلگوشی دیگ ئَ اِنت۔ یونیورسٹی نوکیں زانشت ئَ ھوار اسلامی زانشت آنی ھمگونگی کنان ئَ نوکیں پٹ ئُُ پولی کار بکن اَنت۔
