کراچی۔ 27اگست (اے پی پی)مزن وزیر شاہد خاقان عباسی ئَ یک شمبے ئَ پورٹ قاسم ئِ سرا ایل این جی ٹرمینل ئِ افتتاح کرتگ۔اے ٹرمینل اینگرو ٹرمینل لمیٹڈ ئَ 330روچانی تہ ئَ سرجم کتگئُُ اے 600ایم ایم ایس سی ایف بی گیس ئِ ری گیسیفیکیفشن ئِ بود ایر کنگ انت۔ایشی ئَ چہ نہ ابید کارجاھ ئِ توانائی ئِ ضلورت پیلو بنت بلکہ اُلس ئَ را ھم رلیف رسیت ئُُ تیل ئَ گوں گراں بہا توان پیدا کنگ ئَ کمی کئیت۔مراگش ئَ گوں تران کنان ئَ مزن وزیر شاہد خاقان عباسی ئَ گوشت کہ استیں حکومت ئَ توانائی ئِ ارزاں وسیلگ ئَ را 14ماہ ئِ گونڈو ئِ وھد ئَ سرجم کت ،گوستگیں سئے حکومت آں پاکستان ئَ ایل این جی آرگ ئِ ھاترا جہد کرتگ بلے آں سوبمند نہ بوتگ انت۔مزن وزیر ئَ گوشت کہ ملک ئَ توانائی ئِ گیش بیوکیں ضلورت ئَ را پیلو کنگ ئِ ھاترا ایل این جی یک ارزاں وسیلگ انت چیاکہ تیل ئُُ جوہری وسیلگ ئَ چہ توانائی ئِ پیداوار ئِ عمل باز گران انت۔مزن وزیر ئَ گوشت کہ ایل این جی ئِ ھاترا بولی ئِ کار ساپ ئُُ پلگاریں وڑ ئَ سرجم بوتگ ئُُ ایشی ئَ را میاں اوستمانی براتری ئَ ھم من اتگ۔مزن وزیر شاہد خاقان عباسی ئَ گشتگ کہ آہاں پہ اے ھنداساڑی بوھگ باز وشی ئِ گپ انت،توانائی ئِ ارزشت انت، توانائی ئِ کمی ئِ سبب ئَ ملک باز جیڑھ ئُُ جنجال ئِ دیما کپتگ۔مزن وزیر ئَ گوشتگ کہ حکومت جندی شوبگ ئِ کمک ئَ گوںایل این جی ٹرمینل جوڈ کتگ انت، توانائیئَ گوں ہمگرنچ جیڑھ ئِ گیشئُُ گیوار استیں حکومت ئِ اولی دلگوشی انتئُُ اے جیڑھ ئِ گیشینگ ئَ پہ پارلیمان ئَ استیں سیاسی گلانی شو ر ئُُ صلاھ کنگ بیت ئُُ آہانی صلاح ئِ سرا چار ئُُ تپاس کنگ بیت۔ ایل این جی ئِ درآمدئَ چہ قومی معیشت ئَ را 1.5ارب ڈالرز ئِ پائدگ رسیت وھدیکہ گراں بہا ئیں فرنس آئل ئِ ابید ارزاں ایل این جی ئِ کارمرزی ئَ گوں زرمبادلہ ئِ بچت بیت۔مزن وزیر ئَ گوشت کہ ٹرمینل ئِ جوڈ بوھگ باز وشیں گپ انت ئُُ ایشی ئَ چہ ھواریں راجی معیشت ئِ سرا وشیں اثر کپیت۔مزن وزیر ئَ گوشت کہ انوگیں وھد ئَ ایل این جی ئِ سد گراب اتکگ انتئُُ آہاں ایل این جی ٹرمینل ئِ جوڈ کنوکیں دراھیں ادارگ آنی منت گپتگ انت۔
